[العرنين]

[poem=font="Simplified Arabic,4,#0810A8,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
قلت باكتب دام ما فيها خساير=والله اني من زمان اهوى الكتابه
جيت باكتب واثر مابي شي ثاير= لا جروح.. ولا اشتياق ..ولا صبابه
قمت ارسم بالخطوط وبالدواير= قلت ذا طرقٍ جديد ٍ ما يشابه
واعصر عيوني عسى تهمل عباير= قالت عيوني ترى ماني سحابه
قمت احك الراس واثر العقل طاير= دالهٍ بايام مرت من شبابه
قلت له واقصد بقولي له ..اساير = ( واعذاب القلب منك وا عذابه )
ما دريت بشي فينا اليوم صاير ؟= الشعر شلنا جذوره من ترابه
واستضفنا طرق جانا اليوم زاير = ما استضافه قبلنا شاعر وجابه
قال لي عقلي ترى مانيب شاير= رح ودور لك على اسباب واجابه
انت فاضي ما وراك الا المعاير = لا انت بالشاعر و لاتفقه خطابه
ما وقف شارع ولا انهدت عماير =يوم حدوا المغتصب حد الحرابه
ولا انتهت امه ولا فنيت عشاير= يومه المهبول ينزع في ثيابه
كم نطق بالشعر عميان البصاير = كلهم شاعر ويكتب في مصابه
كلهم حساس عنده بالسراير = الف قصة حب ما حيٍ درى به
شعرهم هرجٍ مثل هرج الضراير= بالشتم واللعن والوان السبابه
الشعر عنده بضغطات الزراير = والأزره بعضها غالي حسابه
ما يشبه بالحلى الا ام الكباير = قلت الأشباه في شعر الغلابه
والله انه بين كل الخلق باير = في قصيده شيخ والواقع زلابه
في قصيده سبع بس السبع خاير = تعرفه ما بين هزه واظطرابه
ما رعى حرمه ولا قام الشعاير = ولا حفظ جيره ولا حق القرابه
وبعضهم ما ينقصه غير الظفاير = وبكلتين بشوشته حق الذرابه
ملمسه ناعم ولبسه من حراير = روجه الاحمر وميك ابه زهابه
رح ولا تسمع لحقين العصاير= دلته كوكتيل ما تهظم شرابه
رح تراه الدم منك اليوم فاير= وعن جميع الراي عقلي صك بابه
وانكسر ما كان سقته من بشاير= والأمل بالشعر صيرته خرابه
والورق قدام عيني صار حاير= والدواير كنها عيون الذبابه
والحبر له تكلفه جرت خساير = ما ابي اكتب ولا احب الكتابه[/poem]