عرض مشاركة واحدة
  #1  
قديم 20-02-2008, 03:47 AM
الصورة الرمزية النمر الاتحاأأدي
النمر الاتحاأأدي النمر الاتحاأأدي غير متواجد حالياً
 






النمر الاتحاأأدي is on a distinguished road
افتراضي بدر بن عبدالمحسن

[align=center]
ردي علي الصوت ردي حياتي
صمتك على شكوى حنيني ..مذله
أما أقطعي بالوصل حبل النجاتي
وألا عطيني باقي الود ..كله
لا توعديني عذّب الصبر ذاتي
والبعد حالي مع عناء الوجد سله
أشكي الجفا لك ما شفيتي شكاتي
الوعد الأول للقاء فات ..حله
يرضيك يصبح شملنا للشتاتي
يرضيك نرضي كل نفس مغله
يرضيك لا فرحو بهمي عداتي
واقفو يقولون ..الغضي عاف خله
ردي علي الصوت ..يكفي السكاتي
قولي لغيرك ما هفا القلب ..لله


قال مجروح ... جاوبته نعم
قال ماشوف بك ... اثار ...دم
قلت وان كان في ذاتي النزيف
قال ما به نزيف ... من عدم
قلت وان خان بي اغلا حبيب
قال وهم ... بنيته وانهدم
قلت ماعذبك يوم الفراق
قال درب وتمشيه القدم
قلت ما به سوى جلدك شعور
قال غيره فلا احس ... بالم
ياوسيم الناس لو قلبك وسيم
واكرم الناس في غير الكرم
عندك الظلم عدل ٍ في الهوى
واعدل العاشقين ... اللي ظلم
انت لو كان في حبك حياة
كان خلى حياتك له طعم
اتعس الخلق من يرجي ... هواك
ما اضيع النبض في ... قلب الصنم




مابقى لي قلب يشفع لك خطيه
ذوبته جروح صدك والخطايا
صاحبي بالله لا تعتب عليه
العتب ماعاد تاسعه الحنايا
كل جرح فات لي منك هديه
وش بلاك تخاف من رد الهدايا
الله أكبر كيف مالك مقدريه
وكل ماتحمه من همي بقايا
لاتمنيني سراب المهمهيه
القراح اليوم مايروي ظمايا
وان غدى للحب في قلبك شظيه
وش يقول اللي غدى قلبه شظايا


ما سألته .. أسمه .. وعنوانه
مكانه
ومرني أجمل زمانه
مر في قلبي وراح
خطوته هزت جراح
وآآه مديت النظر
وآآه جرحني النظر
وما سألته كيف ضيعت الخجل
يا أنت خبرني من أنت؟
جرحتني .. وين الدوا؟
وين أنت؟
انادي وليه أنادي؟
أنا مين أنادي؟ وليه أنادي؟
من أي وادي العطر
من أي شمس النور
وإالا الشجن من أي شارع؟
ما سألته .. ما مداني
كلها كانت ثواني
حرف من خوفي .. قتلته
وحرف .. عاندني وعصاني
بس وقفت في مكاني




في كل قصة حب أحلام ومدينة
ليل ونخيل وهبوب
لكل قصة حب لو كانت حزينه
أجمل ألوان الغروب
ناظري ضيّ الحوانيت القديمه
ونقش أبواب البيوت
كلها شعر ومواعيدٍ قديمه
وصوت قلبـي اللي يموت .. وما يموت
لكل قصة حب عذال وحسود
ليه تخدعنا الأماني والليالي السود .. سود
إشعلي جمر العناد قربـي معاد أشوفك
لا يفرقنا السواد
ارسمي وجهي بكفوفك
ولا تجرّحنا عيون الليل وحروف النميمه
ولا يعذبنا السكوت
إن عطشنا أو شربنا الدمع ديمه
للهوى بنحيا ونموت
لكل قصة حب أشواك و ورود
وليه نصرخ من ألمها وكلها تنبت في عود
ناظري هذا قمرنا لو تغطيه الغيوم
وناظري هذا شجرنا ومهما تحرقه السموم
ولو تجرّحنا عيون الليل وحروف النميمه
ولو يعذّبنا السكوت
إن عطشنا أو شربنا الدمع ديمه
للهوى بنحيا ونموت


جيت سابح ياحبيبي في بحر سورك وقدك
كل خطوة تقترب بي منك ماعني وعنها
مانقلت الا غلاك ولاذبحني غير ودك
أتخيل صورتك قدام عيني واحتضنها
كن نور الشمس لامنه صفق في نور خدك
تستمد النور منه ويستمد النور منها
والشعر يانعنبوه ان كان ماهزك وشدك
لين تطرب له حنايا القلب وتهيجن لحنها
والله ان أطوّعه لرضاك وافخر بك واعدك
القصايد مهرة الافكار وبكفي رسنها
كل ما قفيت عني قلت جعل الله يردك
للعروق وللضلوع العوج يا أغلى من سكنها
وكل ماوجهت يمي ضعت في جزرك ومدك
السلامه منك مكسب بس قلبي ماضمنها
والتهاون غلطتي يوم افرك يديني بيدك
غلطة الشاطر بعشر وغلطتي بدفع ثمنها




من كُتب الحب العتاق .. وتاريخ القراق
وستاير الدمع الرقاق ..
جمعت قلبي غبار .. وقطع فخار ..
ومن على المرمر البارد ..
ومن ما نسته النار .. من غيمي المحروق ..
وحملت عيوني وركبت أول سفينه تبحر ..
على وجهي الاصفر .. خريفٍ طال ..
وسلال من رذاذ وملح ..
وفي صدري حجارة نسيوها بحاره ..
مروا علي فـ يوم ..
وقالوا تعال معنا .. وما كان يجمعنا ..
إلا الضياع والريح ..
راجع من الايام .. من الاحلام ..
ومن الف سناره .. مغروسة بقلبي ..
لقيت لي بشارة .. ما اغلى عطا ربي ..
أثر العمر ساره .. وموج البحر ساره ..
وكل المدى ساره ..
سافرت كل العمر .. وراجع احب سارة ..



عن حبك رحلت
ولحبك وصلت
وهذي سوالف رحلتي
سافرت في كل التراب
سافرت لديار السحاب
وهربت من ليل اللقاء
وسهر الغياب
وأنتي بداية رحلتي
وكنتي النهاية
ودعتك..وغصبن علي
!!خذتك معايه
ياطول هالرحله
ولوهي مسافة زمن
ياقصر هالرحله
سافرت من جرح الشجن
ياطولها..ياقصرها
تصوري اني بكيت
بس الأكيد..أني بكيت
في هالدمع اتكدست ..أوراق


أنا احبك ..مابها زيف وخداع
رغم الذي نخفيه ..واللي نخافه
اودعك..لو الألم لحظه وداع
الى مضت..ننسي الألم والحسافه
وافارقك..لو السفر ..يم وشراع
وبعد الفراق .. اللي نوده نعافه
لاصار مافي البعد راحه لملتاع
با الله وش نفع العتب والكلافه
من الجفا والصد .. يكفيني اذراع
لاجف نهر الحب ماتت اضفافه
أملي يدك رمل وترى هاذي القاع
ومدي النظر .. تدرين وش هي المسافه


ليه احس أنى ونا اشوفك حزين
وقلبي الليله بهمي ممتلي
كانها الفرقا ... طلبتك حاجتين
لاتعلمني ...ولاتكذب علي
خلني مابين شكي واليقين
وش يهم رضاي عنده وازعلي
باكر اللى خافي لازم يبين
الوعد بالقى مكانك به خلي
وانتظر لى ليله او ليلتين
لين مايقضي السحاب وينجلي
ولا قطعت الياس ببكي دمعتين
للهوي الاول وباوادع هلي
صاحبي باموت من كثر الحنين
بس انا بختار لحظه مقتلي




ودي أختار .. الليله درب
ما تعرفه
ودي أجلس في مكان
ما يذكرني بصدفه
أو وعــد
ودي أحكي ياحبـيـبـي.. مع أحد
غيرك أحــد
لجل النهار .. و حريتي
أعطيـنـي .. لحظة اختيار
وحدي و غديت أنت الزحام
وحدي أبد .. و انت الكلام
نورك ما غيره .. ظلام
عذب الحروف .. طاغي الطيوف
أبعد عن عيوني .. بااشوف
لجل النهار .. و حريتي
أعطيـنـي .. لحظة اختيار
أبي درب.. ما يوصلني لدارك
أبي وعد .. ماحتمل فيه انتظارك
و أبي ليل .. مايجي بعده نهارك
ودي أدري .. هي حياتي
اختياري .. أو اختيارك
ودي أنسى .. ليلة وعدك .. أنسى وعدك .. ما أجيك
وش يضرك .. لو أخونك .. مره و اختارك عليك [/align]

ـــــــــــــــــــــــــــــــــــــ
التوقيع
[glow1=#131302][align=center][email protected][/align][/glow1]
أخر مواضيعي
رد مع اقتباس