[align=center]
|
|
[align=center]تلبية لطلب صديقي العزيز / صالح بن فارس
هذه إحدى قصائدي القديمة مع أطيب التحايا للجميع .[/align]
[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يانار والشوق يحرق مهجتي حرقا = بي مثل مابك ولابك مثل مابيه
مابين ناري وبينك واضح الفرقا = تموت نارك وناري بالحشا حيه
الما يطفي لهيبك يغرقه غرقا = وبارد الما يزود كيتي كيه
يطري لي اللي سقاني ليلة الفرقا = من دمع عينه غلا ودٍ وحنيه
جاني يقول السفر لاقامت الورقا = تجر صوت الحزن من بكرهْ فجريه
في حينها الريق في حلقي وقف شرقا = عجزت لاانطق ولا اجاوب مناجيه
جاوبه دمع عقب فرقاه مايرقا = مجراه محفور عالخدين ماريه
روح بروحي معه واستلها عرقا = وشلون تبرد سعيري بعده الميه
غزيل أغيد سكن من حينا شرقا = الشمس ما تشرق إلا لانتشر ضيه
أبو عيون طرق قلبي بها طرقا = أدعج والأهداب ظلٍ بارد وفيه
أنا اشهد انه سرق عقلي معه سرقا = واصبحت بعده جسد والحال مبريه
ماغير اقلب عيوني في السما الزرقا = من شافني قال متلبس بجنيه
جابوا لي الشيخ يقرا قال كيف ارقا = ودي ولكن علاجه ماهو بايديه
السحر مايبطل الا نحرقه حرقا = وسحر مجنونكم في عين حوريه[/poem]
|
|
 |
|
 |
|
تسلم ابو عبدالله ما هي الا لؤلؤه
من عقد دائما ما ثنثر علينا لألئه
دمت بود[/align]