[صالح بن فارس]

بسم الله الرحمن الرحيم

هديه متواضعة بعد الغيبة الخارجه عن إرادتي ..

فنرجوا السموحة ..

[poem=font="Simplified Arabic,5,,bold,normal" bkcolor="transparent" bkimage="" border="none,4," type=0 line=1 align=center use=ex num="0,black"]
كيف غابت شمسك وطيفك شرق = كيف بات النور يتفجر ظلام
كيف غاب النو و برمشك برق = أو هداك الصمت لحروف الكلام
جيت كثر النوم في عيني أرق = جيت كلي سلم من كثر الملام
جيت حلم ٍعاش وبروحك غرق = جيت قوة صدق بيدين السلام
الوعد كل عام في جال الورق = يحتري تصحى أجنداتك و نام
الوفاء من زود إخلاصه سرق = كل تفاصيل الوصل ويّا الوئام
ما لفاك الوصل مع إنه طرق = باب عشقك لين كلّ من الغرام
ما عرفت الحب يوم إنه حرق = قلب محبوب ٍ ينادي لك .. هيام
سل حنين الشوق عن دم انهرق = كيف فرحي يعلن بليلي صيام
سل هموم القلب ما اظنه فرق = تلتقيك ابوصل أو تنفيك عام
حلم من نسج الحقيقة ما انخرق = لين عاش الحق في حلمك خصام
حلم ما يخطر ببالك وإن مرق = ما بتفهم منه لو كلمة .. حرام
رايح أجمع كل قاف ٍ ما انذرق = وأسكبه لجلك مثل مزن الغمام
رايح أبعد وأحرق احروف الورق = واطفي جروح المعاني بالكلام[/poem]



وسلامتكم ؛؛