[الخزمريه]

>>>>>>>>> يا اللي كتبتيني <<<<<<<<.



يا اللي كتبتيني وانا توي أقرا
...... .... يا اللي قريتيني وانا فيك مكتوب
.
توّي تهجيتك ج م ي ل ه وشقـــرا
...... ....وتوي كتبت اسمك بصدري و (يادوب)
.

شقيت ثوب الليل وأشوف قمرا
...... .... تنزف ضيا، تحضن مسافات ودروب
.
توي عرفتك والامل فيك أدرى
...... ....توي عرفت آحب وأشتاق واذوب
.

أنا هنا غايب و موجود ذكرى
...... ....أنا هنا توبه تبي فرصة أذنوب
.
حبيبتي واوراقي الخضر صفرا
...... .... طالت غصون البعد والوصل مصلوب
.
ياليت لي جرحن ولا اقول يبرى
...... ....مادام حبك ذنب وش لون باتوب





>>>>>>>> تبي تشووف الموت <<<<<<<<<


تبي تشوف الموت في صورة أنسان
.. .. .. .. .. .. .. .. شفنــي وانا عايـش ولكـن بدونــــك
..
تجمعت في داخلــي كل الأحــــــزان
.. .. .. .. .. .. .. .. وتفرقت في وســــط قلبي طعــــونك
..
فيني بنا جرحك من الحــــزن أوطان
.. .. .. .. .. .. .. .. وفيني وطــــن مايوم فكّـر يخـــونك
..
وفيني سكنت بداخلي وصرت عنوان
.. .. .. .. .. .. .. .. لاضعت كل الناس جو ينشــــدونك
..
رسمتني دمعه على وجــــه حيــــران
.. .. .. .. .. .. .. .. وتلــــونك باقي حيــــــاتي بلــــونك
..
أنا سجيــــنك لو نبـت ليّ جنـحــــان
.. .. .. .. .. .. .. .. وانا طليقك دامنـي في سجــــــــونك
..
أنا أكتشفت - البعد والصــد - أخوان
.. .. .. .. .. .. .. .. ولقيتــــــــهم ياللأســــف يعــرفونك
..
ولقيت حبك فرض وأشواقي أركان
.. .. .. .. .. .. .. .. ولقيــت في عقــــل المحبه جنــــونك
..
ولقيــت روحي ماتبي غيرك أنسان
.. .. .. .. .. .. .. .. و عيني وقلبي - مايبــــوني يبــونك
..


>>>>>>>>>>> ليه انا لا قلت أحبكـ ؟ <<<<<<<<<<

ليه أنا لا قلت أحبك
ينزرع بالقلب ورد
والهجير يصير برد
واشعر بقيمه حياتي
وان هذا الحب ذاتي
وأن هذا الكون فرد
.
ليه أنا لا قلت أحبك
الظلام يصير نور
والغياب اللي ذبحنا يموت في يد الحضور
وتولد بفمي قصيده ريحها عطر وزهور
والطيور تطير بدري وتصبح الدنيا تدور
.
ليه أنا لا قلت أحبك
ينتهي فصل الخريف
وتنتهي قصة ورق اصفر
تساقط من على ذاك الرصيف
ويبتدى فصل التلاقي
مثل ما أحلم في لقاك و تحلم أنته في عناقي
يا حناني ، يا شتياقي ، يا حتراقي
ليه أنا لا قلت أحبك ينكسر بالقلب عود
والحمام أللي رحل سربه من أول يوم
في صيف سبتمبر يعود
والجمود اللي سكني والبرود اللي طعني
يوم أحبك ينتهي ذاك البرود
وينصهر كل الجمود
وتنلغي في عالمي كل الحواجز والحدود !!
.
ليه أنا لا قلت أحبك يصبح العالم خيال
وان حلم المستحيل وقسوة أحساس المحال
كلها بكلمة أحبك
ألأمل يصرخ تعال
ليه أنا لا قلت أحبك اشعر بمعنى الجمال
ممكن أعرف ياحياتي
وش أجابة هالسؤال ؟


انشـــــــا لله ان اللي اخترته من مدونات هذا الشاعر تعجبكم