[فلاح بن منشار]

اخواني الكرام
مع اعتذاري عن قلة المشاركه
وصدقوني اني مقل في مشاركاتي مع كل المنتديات
ونظرا للغلاء الفاحش بالاسعار
ومع نقديرنا لوالدنا خادم الحرمين الشريفين وتكرمه بزيادة الرواتب 15%
والتي لم يدعنا التجار هداهم الله نتهنى بها حيث زادوا الاسعار 100%
خطرت ببالي هذه الكيبورديه
التي امل ان ترقى لذائقتكم

[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يالله ياعالم دقيقات الاسرار = ياواحدٍ ماخيب الي استخاره
يارازق المخلوق مسلم وكفار = يامعطي ابن ادم بقصد اختباره
ارفق بنا يالله من اطماع فجار =فيهم جشع يارب زايد عياره
من يوقف التجار عن رفع الاسعار=وين الرقابه ياوزير التجاره
كلٌ على كيفه ويقلون شطار = راح المواطن في سباق الشطاره
في سوق الاسهم ماكسب سهم الاعمار=والراتب محوش لراعي العماره
من وين ناكل ياطويلين الاعمار =كلٌ شكى اهل الدين عند الاماره
الشعب نصه مالقى حق الافطار = والبعض بطل مايروح الخفاره
ماظن ذا يخفى على اصحاب الابصار= والوضع ماباقي يكون انفجاره
الكيل فاض وغابوا الناس الاخيار= لاحد يلوم المبتلى بانشطاره
دام ان هذا دأ بنا ياهل الانظار = خوفي يجينا مثل ماجاء العماره
او يبتلينا الله بما حل الانبار = من عقبها كلٌ يحس الخساره
يالله طلبتك تقطع الناس الاشرار =وارحم بلدنا من غلاء ساق ناره[/poem]