وش رايكم بالفراق .....؟؟
[align=center]تحيه للجميع
اصعب الامور على الانسان ( الفراق )
الوقت يمضي وهمّي اصبـح لحافـي
:::::::::::::::::::: وهذا زماني صار لا طعـم لا لـون
بيّحت من كثـر الالـم كـلّ خافـي
:::::::::::::::::::: ونثرت من دمع الحزن كـلّ مكنـون
والبسمه قامت تختفـي مـن خلافـي
::::::::::::::::::::: ودموع حزني تجرح الخـد بالهـون
ياقلبـي هوّنهـا تـراهـا عـوافـي
::::::::::::::::::::: لاتشتكـي يـوم الردييّـن يشكـون
إلا لـرب(ن) عالـم(ن) بالخوافـي
::::::::::::::::::::: سبحانه اللي كل شي(ن) لـه يكـون
ياوين ابلقى لي رفيـق(ن) مصافـي
::::::::::::::::::::: ماهو من اللي لكلمة السـر يفشـون
اعطيه علمـي والخبـر واعترافـي
:::::::::::::::::::::: قبل يجضّ الصدر من قلـب مغبـون
نظمت من فكـري جـزال القوافـي
::::::::::::::::::::::: مخطوط شاعر داخل القلب مطعـون
لعيون من هو حـب غيـره يعافـي
:::::::::::::::::::::::: يامـا سهرتـه والخلايـق ينامـون
إلتـفّ حبّـه علـى قلبـي إلتفافـي
:::::::::::::::::::::::: واصبح خفوقي في غلا الزين مسجون
إن كان حبّـه ذنـب فيـه إقترافـي
::::::::::::::::::::::::: سجلني اكبر مجرم(ن) في هذا الكون
ماكنت احسب حساب هجر وتجافـي
:::::::::::::::::::::::::: لين اجبره ظرفه على الهجر بالعـون
روّح وكـنّ القلـب فيـه إرتجافـي
::::::::::::::::::::::::::: روّح وكنّـي بعـد فرقـاه مجنـون
ماجور ياقلب(ن) على الحـب وافـي
:::::::::::::::::::::::::: وماجور يادمع(ن) حدر يجرح عيون
أصـدّ خايـف لادموعـي تشـافـي
::::::::::::::::::::::::::: خوف العواذل في دموعـي يعذلـون
ويفرح بحزني كـل واطـي وهافـي
:::::::::::::::::::::::::: اللي عن دروب المراجـل يصـدون
ماهبتهـم والله ولانـيـب اخـافـي
:::::::::::::::::::::::::: وانا من قوم(ن) للمراجـل يعـزّون
لكن دموع الرجل لاجـات إردافـي
:::::::::::::::::::::::::: وش يسكت اللي بالشماتـه ينـادون
روحـوا لسيـد الغناديـر اللطافـي
::::::::::::::::::::::::::: تكفـون ردوه إلـي تكفـون تكفـون
إمّا إنـه يعـوّد ويعجّـل بإسعافـي
::::::::::::::::::::::::::: وإلا تـرى مغليـه بيمـوت مفتـون
=============
وسلامتكم[/align]
|