رد : قصيدة لها ذكرى خاصة (( أن رضيتي ))
يذكرني رحيلك مجلس باقي على حله
مداهيل الرجال اللي تنومسنا مواطيها
هنا سليت سيف يوفي الثارين من سله
هنا علقت رمح يطعن الجوزاء ويطفيها
هنا بينت مصحفك الكريم ودلنا دله
معك نبدا مواعيد الكلام وننتهي فيها
هنا ساقيت غصن من غلا كنا تحت ظله
نسولف بالغنا يابايع الدنيا وشاريها
هنا كان الرجال جبال ما تقبل خنا الزلة
عمايمها سحاب وابلة باقي مواضيها
رجال لو تشوف الماء غدر ما شربته لله
نبت عشب الرضا يا سيدي با اول مغازيها
هنا ماضيك ورياض الخليل اللي رعى خله
شربنا عذبها مدري لعبنا في مغانيها
هنا تخنقني العبرة وانا اكتب يا رسول الله
على قبرك نسيت الناس حاقدها وحانيها
وابو قبر يتيه من الفخر بالبيد وتجله
على حسد تبين من سمايمها وصاليها
ويهناك الوفا قبر يضمك في ثرى تله
ما دامه بين فردوس الجنان وبين منشيها
وانا لامن ذكرت فراقك اللي في يدي غله
نسيت ان الليالي شيبتني من بلاويها
على بعد الزمان اللي يعقد الحبل ويحله
ليامن ذكرتك طاحت الدمعة وراعيها
سلام الله ما هز الصبا نسرينه وفله
على الطفل اليتيم اللي عطى الدنيا معانيها
الشاعر / خالد محمد العتيبي .... اعتقد تعرفونه اللي في شاعر المليون خسارة يخرج والله شاعر ممتاز
|