[علي الحسني الزهراني]

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]

وربي ما ألومك ياشذا لاضاقت انفاسك = طبيعي دامت انفاسك زكيه سهل تتأثر
ترا ماهو غريب الوقت هذا يجرح احساسك = مهو جوه ملوث لابعد لا لابعد أكثر
عيون قلوب وعقولٍ وناسٍ غير عن ناسك = حسد حقد وفكر متخلف أيش اذكر وما أذكر
مع هذا تقوي بالأمل لايغلبك ياسك = بهالدنيا خلقنا في كبد وآمالنا المعبر
يابنتي سامحيني كان هرجي جلجل اجراسك = ولكن حظك انك جيتي بعصرٍ بلاه اكبر
زمانٍ فيه الارهابي تقمص هيئة الناسك = وحاميها حراميها وهذا من سواه اخطر
خلاص انسي أبسكت وش يفيد ادوخت لك راسك = واخاف إن النتيجه يرتفع ضغطي مع السكر
ولكن الأهم آعطر انفاسي من انفاسك = إذا الله رجعك لي سالمه يا ازكى عطر واطهر [/poem]