[][ هيكتور][]

عدلته لك بسررعه لعيووونكم

سلااام .. ولعلكـم
هيا .. هيآ

مدري من وين آبدى عشآن انتهي < كل حسيل واسسسكت

خشو معي بنص السالفه والي فهم يفهم والي مافهم يرسل لي رساله خاصه اعطيه رقم مدرس مصري خصوصي يشرح له وعلى فكره

هالمصري كل شي يعرف له مايئولشي لأئه

يعني تبيه سباك فهو سباك تبيه يصلخ بعيد الاضحى يصلخ تبيه مدرس نحو على موادشرعيه ماعنده مانع الي يشوف مخه يقول سي دي

مجمع فيه كل المعلومات السالفه ياجماعه الخير كل مافيها اني يومي صغير كنت بزر < ياخي لاتسولف تكفى

وكنت غثيث وعلّه ودعلّه <- راجع كتاب ((الاصول النجديه والكلمات الزبرجديه ))

من غثاثتي جارنا طلب لجوء سياسي لحي اخر والسبب اني غثيته فيعني يجي بالصباح الباكر وحرمته الحنونه((وش دراك؟))توها

معطيته قبله صباحيه ليبدئ يوم حافل بالنجاح والمسرات ويجي يحمي سيارته وانا اشوفه اجي اسنتر واشنصب عند دريشه السياره كني

من هالطرارات الا تعطيني فلوس غصب وانا لأجلست عنده انشب له اعطيه من هالاسئله البايخه ولا اسولف عليه سوالف خاثره ومليغه

وهو يضحك ضحكه تشوفه تحلف انه مغصوب يضحك ومرات اضطر اني اجيب له واسطه عشان يضحك وعلى هالحال لما يمشي ومن

يمشي جارنا ارجع عند الباب اتشوف لي احد طالع اروح اخثردز عليه من هالسوالف وانشده عن اشياء براسي < ركزو بهالكلمه تعني نص القصه


يعني مثلا جاء براسي اعرف وشهي مكونات الذره او مما يتكون المفاعل النووي رحت للمطار اقص لي تذكره اروح لروسيا او طهران

او اي دوله عندها نووي وابدى اسئل لما اجد اجابه تشبع خلايا مخيالي تتاكل من التفكيربهالموضوع

رجعت عند الباب بعد ماحرك جارناوكان يوم خميس يوم عطله ايام الاسبوع وكنا هاك الوقت يوم الخميس مايروح نحلل امه نصحى

الفجر عشان نحس بطعم العطله ماعندنا شي بس فضاوه اطفال دوله < كل كيك يآشيخ هـع هع (( تقدر تقول خعااخع خمس مرات !!
آتحدآآك )) هع

جلست عند الباب وانا امارس هوايي ليست جميله اعتاد عليها العاطلين وهي اني ادخل يدي بخشمي حتى يوصل مخي وافررره بأصبعي

السبابه ويدور مخي ويدور كنه مجسم الكره الارضيه لما يفرها مدرس الجغرافيا امام طلابه < تكفى لاتوصف ,,,,ّّّ<<< زد

صدوودك صدوود ولا تعووود ... الله عليك ياعزاازي

وانا امارس هوايتي واطير بط فريت مخي فررره قويه ودار مخي دوره مثل دوران الارض حول نفسها ووقف على سؤال وهالسؤال

شغل خلايا مخي كلها بالبحث عن اجابه وبدت نفسي تتطلع الى الاجاابه ولدرجه ان السؤال اعجبني كنت جالس عند الباب لما وقف مخي على هالسؤال وقفت ثم رجعت جلست وقلت كيف ؟

السؤال هو (( كيف يتم الانجاب ووشلون يجون الاطفال بالدنيا؟)) < سؤال دسم باين ان اليوم خميس او ربوع هع

فكرت حاولت القى الاجابه مني قلت يمكن لاتزوجت الحرمه يطل نجم بالسماء كل سنه مره وحده وحظها ونصيبها اذا حملت ولاتنتضر

سنه الجايه لكن ما اشبعت رغباتي هالاجابه فعرفت اني متأثر بعدنان وليناوالطاقه الشمسيه دخلت البيت واصايح بأعلى صوت يمه يمه
وردت امي الحنونه بصوت يزيد يوم الخميس جمال وروعه ولعنه وانا امك وش تبي < امحق حنان
سألتها وين ابوي < شغل البحث والتحري قالت مدري رايح مع صديقه وبيجي الضهر ليه وش تبي فيه وانا امك ؟

جاوبتها لا ولاشي بنتضره لما يجي وكنت يومي صغير عندي اعتقاد ان الاب هو الي يعلم ابنائه كل شي بهالحياة اما الام فهي تحمل

وترضع اول سنه وبعدين تتفرغ للطبخ < لأتلومونه خلأيا مخه تآكلت من هالاسئله الناشفه

رجعت جلست عند الباب اقوم واقعد ماش هالسؤال كنه منشطات ماعرفت اجلسابي اجااابه شلون الحرمه تحمل وتجيب عيال ياربي
وشلون ياربي نزل علي اجابه ارسل عليوحي <لأتلومونه صغير

وانا افكر قطع حبل افكاري جارنا اليكان جاي وجايب معه تميس وهو جاي طلعت له بنص الشارع وقف وقف هو انهبل ووقف وش عندك يمجول يالدعله < راجع الكتاب الي قلت لك عليه

سألته وشلون تنجب الحرمه كيف تحمل ؟

ضحك جارنا ضحكه ووجهه متعفط طالع كنه ركبه نبيل شعيل وهو متربع بجلسات روتانا وقال ههههههههه الله يصلحك وانا امك

انا ناضرته مثل الببغاء لاقام يناضر احد قدامه اعفط راسي واقلب بمخي اسئله وهي وش فيه خدوده وصلت جبهته ؟ ووش امك ؟

لا لا السؤال فيه إنأ واخواتها ولا ماختبص وقال وانا امك ...نزل جارنا من السياره وقالي انا اكره مالي بهالدنيا حاجتين الاولى لأشفتك واقف عند الباب والثانيه مالك شغل امور عائليه

طيب وش ذنبي يالجار العزيز تقولي؟ ,,, علينا جار بعد ماتقول الا من ابو ريال ينمدري وش يبي من الحياةورجعت

للبيت مره ثانيه بعد ماعطاني جارنا كم كلمه تهزئفي حق سموي وباين انه كاتم بقلبه من فتره طويله واليوم ماقدر يتحمل الضغط العاليمني وولد الضغط العالي انفجار تولد معه كم كلمه وصخه

دخلت البيت وانا ااصيح يمه يمه ردت علي امي العزيزه وطاعون يشق بطنك ويرجد بعضمك وش تبي سألتها كم باقي ويجي الضهر
ويجي ابوي قالت معد بقى شي الا انت وش تبي فيه ؟ تبي شي تاكله ؟ < هم الي رسخو بباليان الام تطبخ بس

قلت مابي شي ورحت عند التلفزيون وجلست عنده وكان التلفزيون مسكر كنه بيت جيزاني بالدخل المحدود يعني انواع الالوان واشغل

الفديو على عدنان ولينا الحلقه الاولى واتابع وانا ما اتابع يعني منشغل تفكيري مره اركز مره مخي يروح يبحث عن اجابه وبالفتره الي

كنت مركز فيها لحسن الحظ كان جد عدنان يشرح له قبل يموت انهم وقفو بالطائره علىهالجزيره وجابو القصه وكيف انولد وكانو

بالقصه يقولون((ولد ولد)) وعند الباب رجالوحرمه!!

هنا وقفت الفديو قلت يعني الدعوه ماهيب نجم يخلي الحرمه تحملوجارنا تفشل من سؤالي والحين رجال وحرمه يعني يامتهاوش الدعوه

مشتركه بين الرجالوالانثى ؟ ووقفت الفديو طبعا بعد كم اعاده عل وعسى يمكن تجي كيفيه الانجاب بس ماش ماحصلت شي والوقت راح

وانا افكر هل الدعوه مشتركه ولا من طرف واحد ؟ وعلى هالتفكير ابوي جاء وحط راسه وانا ذكرت ان الضهر جاء يعني ابوي جاء

رحت عند امي يمهيمه ردت علي امي الطيبه وجعلك الجني الي مايخليك متهني وش تبي ياقلب امه < حنان على جفااف
كخخخخخخخخخخخخ

وين ابوي قالت ابوك جاء وهو مقصروحط راسه ويقول لأجاء وقت الغدا حطوه وصحوني افلحــــــــت من عند امي وانتضرت لما جاء ا
لغدا وصحى ابوي وجلسنا على الغدى وانا المس بالغدى وكان ابوي مقصر شوي وتوه صاحي من ((مقصر تعيبين يعني هع )) النوم

وماله نفس الضاهر بس عاد انا وش اسوي غثيث الا بسئل قلت يبه ردعلي بصوت مثل الي يقول مهوب وقتك وقالي وش تبي سكت انا

شوي امهد لسؤالي وكنت احس ان السؤال قوي والسبب تعفط وجه ابو الجيران وسألته شلون يبه الحرمه تحمل!!
امي على طول قالت اجيب لك الشاهي يابونا؟ رد عليها ابوي ايه ايه قامت امي وابوي انسدت نفسه زود عن الاكل وانا نشبه رجعت له وقلت ماجاوبتني قال شف وانا ابوك الحرمه تاكل بيذجان ان طرشت وداخت اعرف ان البذنجان خايس في بطنها وان ماطرشت ولأداخت اعرف ان البذنجان لقى له مخرج وطلع ,,,,,,,, وسسسسسسسطططططعع < هذا مخمسس اكلته منه اليبه بدون أي اسباب مقنعـــــــهّّّ!!!

بعد الطراق ..واعني المخومس.. قمت وانا مبسوط عرفت وشهي الاجابه ورجعت العب مع عيال الحاره ومر يوم الخميس ذالك اليوم الذي له ريحه خاصه ونكهه بأيام دراسه الطفوله والطماط والفول والتميس له مذاق خاص بذالك اليوم
عدى آلخميس والجمعه وتهيئت للنوم لأن بكره مدرسه وقمت اتسدح على الفراش واتذكر الحصه الاخيره يوم الاربعاء وزمل بكره يوم السبت ياطوله كنه راس جنرالوهـ < مسوي تمون ؟ هع والله يابو مايدرون من تقصد هع
وفوق هذآ كله عندنا مدرس رياضيات عصبي عصبي بشكل وقاذف بقلوب الطلاب الرعب لدرجه انك تعرف الاجابه بس مافيه ثقهب

نفسك يمكن تغلط ويخليك انت والكرسي واحد ولا اذا سئلك ولأعرفت الجواب وقالك حط وجهك على الجدار وقتها تتمنى انك حشره مصابه بمرض التوحد ويجي ورع بأبرد مايكون يرصعك بالنعله وتموت ولأتحط وجهك على الجدار ويجي يلعن خيرك < تعبير نابع من ألمّ
جلست اتقلب على الفراش وضاق صدري من مدرس الرياضيات مليت يضربني ضرب الحمير وانا حيلتي اطلع عليه اشاعات بالمدرسه مره طلعت عليه اشاعه انه متزوج سوريه ومرركبها بدبابات الثمامه وهي فاتشه <- اصدق ما بالقصه


وخذت هذي الاشاعه صدى كبير لدرجه ان وزارة المعارف تكلمو عنها
المهههههههم
وانا منسدح على الفراش دخلت يدي بخشمي وفريت مخي ووقف مخي على سؤآل مزدوجوالسؤال هو (( كيف يتم الانجاب ولماذا ابوك صفعك )) انا كنت وقتها مستلقي على ضهري وبعد هالسؤال المزدوج قمت وجلست وقلت صح ليه صفعني
ابوي كان يجاوبني بهدوء ومحبه فجأه فقد شعوره وعطاني طراق السالفه فيها قص ولزق قال بذنجان قال علينا يمنااحي


بعد هالسؤال تنشطت خلايا مخي وقمات تبحث عن الاجابه ونسيت مدرس الرياضيات ونسيت ان بكره مدرسه وحاولت انوم بس مااااااااش ماقدرت السؤال سيطر على مخي لدرجه اني اعد وانا مغمض عنز وحده عنزتين وهكذا لحد ماطمرت العنز العشرون الحاجز الخشبي والتفتت علي وقالت لي امبااع لقيت اجابه ولأ ؟
قمت احرك يديني مثل الي يوخر دخنه عن خشمه ابي اطير هالعنز الله ابوها وقلت مالك يمتهاوش الا دواء كحه((ابو زهره)) واروح للثلاجه واطلع الدواء واشربه دفعه وحده ودليل ان مفعوله قوي وسرى بأنحاء جسمي صرخت بأعلى صوتي بالمطبخ للجحيم يالقرن الواحد والعشرين < سكر ويحسب نفسه عدنان


واروح للفراش وانا اتسحب الي يشوفني يقول شايل تجوري واخمد وانام وصحتني امي كالعاده مجول وانا امك قم قم قامت عليك عفررره..((لايوجد لها أي معنى بالقاموس المسيحي )) مجول وابوي يصايح ماقام هالملعون تأخرنا على المدرسه وانا انهبل واقوم بسرعه والبس واكل اسرع واعض الزبيريه بفمي واروح للمدرسه واكتشف اني اول واحد جاء واجي قبل الفراش ابو علي < حيله ابوي يسويها علي كل يوم


جيت المدرسه جالس انتضر الطلاب والطابور وانا افكر بهالسؤال وجاء الطابور واناافكر ودخلنا الفصول وانا مشتت الذهن من شده التفكير < قايلكم من اول لو براسه نووي جاب خبره
بدت الحصه الاولى وانا والله مانيب يمها ماغير مطير عيوني فوق كني اطير حمام وافكر بالسؤال وانتهت الحصه وطلعالمدرس ورنت صفارة الانذار ((جرس المدرسه)) معلنة بقدوم مدرس الرياضيات والطلاب كلواحد ينتفض بمحله تشوفهم تقول مستنزلين وكابين عليهم ماء بارد دخل المدرس وبصوته الجهوري قال السلام وبدى بالشرح على طول وبحركاته ونضراته الطلاب بدو يتفاعلون معه والفصل

جدارنه تشعرت من الازعاج والطلاب متحمسين يبون يشاركون والمدرس تفاعل معهم ومجول خويكم غرق ببحر التفكير ولأهوب يمهم وبينما الطلاب يصايحون يبون يشاركون والفصل ازعاج حاولت اشارك معهم ورفعت يدي على عماها قال المدرس احسنت مجول جاوب جاوب كان يقولها وهو يسعبل وعاض على لسانه واناوقتها ضاعت علومي ولا ادري وشهو سؤاله عشان اعرف الجواب

والسؤال الي بمخي جاء قدام عيوني تلعثمت وطقتني ام الركب وسكت يمكن حدود ثلاث ثواني وكم جزء من الثانيه بس بذاك الجو والارتباك الي حصل تعتبر ثلاث سنوات بلياليها وانا ساكت بالثواني هذي صرخ المدرس جاوب ياحمار قلت له كيف تحمل الحرمه وبلعت ريقي وقمت ارمش طالع كني ياسر عرفات وهومقابل اولبرايت >ايه صح ياسر عرفات مات الله يرحمه


مع سؤالي الغبي هذا الفصل بعد الازعاج والصخب الي صار فيه سكت والطلاب كلهم التفتو علي حتى المكيف الي يرنع سكتووقف وقال ياااويله
المدرس كان ينتضر اجابه واناعطيته سؤال ادى الى تشنج خلايا مخه وقام يتنفض ويقول العن ابوك وجاء من الجهه الثانيه بالفصل ولعن خير خيري ((MADE IN ITALY)) هذي نعلته صناعه إيطاليه طبعها على جبهتي وبعد الضرب المبرح انسدحت بالارض كني من جرحى حركه حماس وقرب مني وانا يالله ارفع البؤبؤ حق عيوني مافيني حيل بعد الضرب وقالي تبي تعرف الاجابه تعالي بغرفه

المدرسين لحالــــــك !!وكمل الشرح واناجلست على الكرسي وافكر بنضراته فيها شي من الخبث وقلت بنفسي وش فيه يناضر كذا وبحقد ؟ < على نياته
وانتهت الحصه والطلاب جو يواسوني بعد الجلد والي رحمني وراح يشتريلي فشار من المقصف وانا ملعون رحت طلعت عليه اشاعه ان المدرس حاط على سور بيته قزاز عشان قد طبو على بيته شباب سكارى يبون يغتصبون حرمته وبعدها وسوس < اصدق ثاني شي بالقصه
وعدى اليوم الدراسي وانا افكر وضاق حالي من هالشي ابي اجابه وارتاح معد اعرف اسولف كل شي بمخي كيف تحمل الحرمه معد يهنى لي شي الاابي اعرف حتى سالي كانت تجي العصر وانا احبها حب جما

ماهتميت لها ابي اعرف الاجابه رحت ارتزيت عند الباب وجلست وانا اجلس ماغير اقول اي اح حسبي الله عليك يامدرس الرياضيات وانا كنت اخذ وضعيه الجلوس بدون الم انفتح الباب الكبير حق جارنا الثاني وبنتهم يمكن انها بسادس ابتدائي تشطف الماء للشارع كانو غاسلين حوش بيتهم واجي انا مدرعم لها وسألتها بدون مقدمات ولا شي كيف تحمل الحرمــــــــــه دامـك حرمـــــه جاوبي يوم قالت قليل ادب ونحو كمان < نسيت اقولكم انهم حجز يالييييييييييييييييييل بو لمببببببببببببه
وصكت الباب بقوه وانا استغربت وقمت اشبك كل الاجوبه مع بعضها يعني جارنا اول شي تعفط وجهه وقال الله يصلحك وانا امك ثم

تشربك مخه والتمس وعصب علي فجأه ؟وابوي الييوم سألته جاوبني بهدوء وفجأه فقد شعوره مادريت الا وهو خامني بطراق خلاني ما اسمع سنه وليه ضربني ؟
ولا مدرس الرياضيات لو قلنا اني انا الغلطان سألته سؤال مهوب بوقته بس ليه ذيك النضرات وتعالي لحالك بغرفه المدرسين؟ !!!!!!!!!!!!!!!!!^_______^
والحين بنت جارنا صكت الباب وتقول قليل ادب ؟ وش السالفه شلون اعرف الجواب ومن وين اجيب الي يجاوبني ؟ ايه يمتهاوش اول القصه قلت للمساطيل فيه مدرس مصري خصوصي يعرف كل شي ولأيقول ماعرف رح اسئله منها تلاقي جواب ومنها تخلص القصه وتنتهي نهايه حلوه
وانا الي اطمر للبيت واروح للتلفون وادق على المصري

انا : طووووط طوووووط < بيت المصري يرن
المصري : الووه مين بيتكلم بتحب نتعرف؟ < متأثر بدعايه فودافون
انا:الو ياحلووو هلا استاذ كمال ابو المعالي انا مجول يا حمار >تمون عليه شكلك والا هو اصغر عيالك
المصري:هلا مجول بيه ازيك عامل ايه < بالزمه مش انا شاعر
انا:اها بس لا ادخل رجلي مع السماعه بوسط حلقك شف ياكمال ابي منك تعلمني كيف تحمل الحرمه>> لااا احلف بالله صاادق .!!!

المصري:الله ايه الكلام ده بتئول ايه يابلطقي
انا:بلطقي اوم حدرتك((حضرتك)) ياعلي عوض ,,, طبعا الاجابه بفلوس
المصري:آه ربنا يكرمك ويفتحها بوشك((وجهك))
انا:خلاص تعال المغرب ولأسئلك ابوي قل ادرسه قواعد اوكي لا تجيب فيني العيد انت واذونك الي كنها زنوبات هندي حارس المسجد .,,,>>> لبيه ياقلبن ملكته وانت وجدانه ,>> سلامات
المصري:ماتخفشي يله إنتا واذانك الي شبه سبراي شافط صواعق لو سألني ابوك راح اعطيه مخرق يطلعووه على سكاكو (( ساسكو ))
انا:اوكي حلو مع السلامه
المصري:مع الف سلامه ربنا يكرمك
وجاء المصري بعد صلاة المغرب ودخل عندي وخليته يشرح ويكتب الكلام بدفتر وحلفت له اعطيه خمسميه ريال عشان يتحمس ولأيبقي

شي الا يقوله ويكتبه وكان يكتب ويكتب وانا شكلي طالع كذا -->


الكلام وصل للغويط طبيت بعلوم مهيب لي وتمنيت اجربها .شعر راسي وقف والمصري خلص الكتابه لأن الدفتر خلص وانا مسكت الدفتر ورحتعند الباب وفتحته وقلت له شف ياكمال افندي بعد لخمسه اذا ماطلعت رحت لجارنا الي بالهيئه بقوله اني طلبت منه يدرسني قواعد درسني علوم غير اخلاقيه وهذا الدفتر يثبت ذالك < خيانه بلد يمجول >> اووم النذااله درووبك يالسهر هعععع
المصري وقف وقالي يخرب بيتك متلما خربت بيتي ربنا يوريني فيك يوم اسود متل سواد ركب بنتات السعوديه إنك حووومار ياشبه قاموس النيل < يذب المصري

قلت له حومار ولا جاموس ارس على بر يالبقره العانس وربي انك ثور < انت بعد ارس على بر
وقمت اعد واحد اثنين ثلأث ,, ما امداني اكمل ثلاثه الا اشوف غبار والمصري هج وانا جلست ماسك الدفتر بيدي وانتفض يعني هالدفتر لو يطيح بيد ابوي بينفيني لمثلث برمودا بهالدفتر يعني كل اسرار زوج وزوجه وجلست اتصفحه واقرى واقرى كلام عند ربكم خبره يعني الي قريته امي وابوي يسوونه ؟ ابو جارنا وحرمته يسوونه ؟ يعني كل متزوج ومتزوجه يسويه ؟ هعععععععععععع هع هع

الحين عرفت ليه جارنا وجهه تعفط يحق له وعرفت ليه ابوي فقد شعوره وصفعني بطراق ومالومه ولأ الوم بنت جارنا الي صكت الباب بوجهي بعد هالاسرار الخطيره الي غايبه عن بوش ولا كان قصف كل بيت متزوج ومتزوجه



هذي دمار شامل هذي الاسرار وش مفاعل نووي طهران عندها
بس الي ما الومه ابن الكلب مدرس الرياضيات ليه يقولي تعال لحالك لغرفه المدرسين < توه يفهم
خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخ

اوريك يالمدرس متى يجي بكره ((<- حاقد)) وانا افكر وش بسوي وش اقوله وافكر بهالاسرار ربشني وكهربني صوت مؤؤذن مسجد الحاره الله يهديه مايشغل المايكرفون ويتنحنح لا على طول ما تدري الا وهو يقولالله اكبر وهو أذن ولا مأذن انا ارتبشت وذبيت الدفتر ثم رجعت اخذته ابي ازبنه (آوطيه بمكان سري هع ) وكل هذا احسب الحكومه طبت علي عشان هالدفتر بعد ماهدى بالي وتأكدت انه ابو

قحط مأذن الحاره رحت لأمي وقلت لها ابي عشى وابي ارقد


< مهوب لله ترقد بدري تبي تتفحص الدفتر
وفعلا تفحصت الدفتر ورقدت وانا مرتااااااااااااااااح اخيراً لقيت الجواب ورحت للمدرسه واول ماجيت المدرسه رحت لمدرس الرياضيات قلت له يسلم عليك ابوي ويقولك لا جيت تعلم ولدي بالغرفه لحالك جب معك حرررمتك بالغرفه عشان تشرح شرح تطبيقي وليدي الله يهديه مايعرف نضري هع هع

المدرس العصبي اخذ اوكسجين كامل وهو مغمض عيونه وفصخ النضاره ومادريت الا وانا اكتب لكم القصه الحين بالدور الثاني مستشفى الملك خالد الجامعي قسم العضام دبغني جناح 22الكلب دبغ اقشر ماتقول الا هو يهودي وانا من اطفال غزه
أ.هـ
القصه من كتاب (( كفاحي والفقر )) تجدونه بمكتبه جرير للمؤلف مهجول



مآيستفااد
لأتسئلو عن اشياء ان تبد لكم تسوؤكم
اليد الي ماتقدر عليها لأتصافحها طلع عليها اشاعه < كل تراب بس
لأبد لنا من الثقافه بهالموضوع عشان نقلل من حالات الطلاق ف نسبه الطلاق بالسعوديه اغلبها الجهل بأمور كهذه
وبس
سلااااااااااام


وفديت عيونااتكم اناا

..

وابك بليز مآفي سوي حـذف للموضوع المتواضع نبي نعبر عن عروشنآ اقصد شعورنا

آي خدعـه لكـم ..؟؟ لاحد يستحي

تقبلوو

قلب المنتدى
=[/QUOTE]