[الغـ كله ـلا]

[align=center]]بسم الله الرحمن الرحيم

يالله على بابك....ماخاب طلابك


الثقيله اشيلها..
والسحابه اخيلها..

ثلاث لرفيقي امدحها..
والرابعه بأخوته يمسحها..

كنت حاجبه وعضيده..
وعصى حاملها بيده..

هو الزند وانا الفتيله..
هو الوادي وانا سيله..

اقاسمه الخبزه..
عزي من عزه..
ومعه كل حزه..

اضيق لاشفته ضايق..
في غيبته اعد الدقايق..

كنت ادواي جرحه..
بروحي المرحه..

يوم الزمن لقاني غاربه..
اقفى تركني لحالي احاربه..

في الرخاء ياكثر حلوفه..
في الشده وراني كتوفه..

انا اللي شديت همتك..
انا اللي كبرت لقمتك..

وصفتك درب النجوم..
نصحتك تلعب هجوم..

لو اقفيت انا على خبرك..
وفرقى شرواك ابرك..

الردي ماني في حاجته..
ماضيع الضب الا عجاجته..

نفسي تمشي بعزها..
واثقه الهوى ماهزها..

ياهيه لوتكثر جروحي..
مانوخ الزمان طموحي..

هذي ارضي وهذي سماي..
احمد الله ياكثرهم اصدقاي..
شربت البحر ماروى ضماي..

بواعد الوقت فيك..
بكره بسهمه يرميك..

رفيق الرخاء بيضيمك..
اللي من عديته نديمك..

طعنة الخوي ياشينها..
ليتني مت قبل حينها..

ياكثر من خويه ضامه..
وطعنه بخنجره السامه..

اخوياك لاصفى لك واحد منهم..
عزه والبقيه تكفى تكفى ادفنهم..[/align]