[الشــــــــوق]

[align=center]


[/align]

[align=center]


يا وجد حالي وجـود اللـي يتـلّ أمـه




و يقـول لا تتركيـن وليـدك الغـالـي



ما يـدري ان الليالـي جـات بمطمـه




أمـه توفـت و لا والـي و لا تـالـي



ماتت من الجـوع و هـو فاتـح فمـه




جور و مجاعـه و طاعـون و سلاّلـي



الله على الساعـة اللـي فـورت دمـه




و الله على الصورة اللي ضيّقـت بالـي



مـن شافهـا بيتذكـر حالـة الامّــه




و بيقول يا وجد وجدي و يا بري حالي



أحدٍ ياخذ له شهر و الخبـز مـا شمّـه




و أحدٍ طعامه يجيه الـوان و أشكالـي



أفريقيـا جوعهـا كـم مسلـمٍ سمّـه




و حنا نبذر هـذا فـال و هـذا عقالـي



نسعى ورى المـال و نجمّعـه و نلمّـه




حـلال حـرام مـا نـدري و لا نبالـي



نشري كاسيت (نانسي) و المطرب نضمه




ندعمهم و من ورانـا جمعـوا المالـي



و العاهره اللي الخليج و شعبـه تذمّـه




حنـا وراهـا نجـرّ الصـوت ونلالـي



و نرسل ( SMS) و اللي يقصر انتمّـه




علـى قنـاة هدفهـا دمّـر الأجيالـي



موضوع (أبو الهش) فيه الناس مهتمه




كلـن يصـوت لـه بـدولار و ريالـي



يا ناس يـا نـاس لا غيـره و لا ذمـه




يا مسلمينٍ بالأسمـاء مـا بـه افعالـي



وشلون من ينحرف نمدحه مـا نذمـه




و شلون ما نفرق الواطي مـن العالـي



لا صـار لا وازع دينـي و لا هـمّـه




لا تأمنـون العـذاب و قـدرة الوالـي



تصدقوا و أنفقوا و العيش فـي القمـه




ما هو بدايـم إذا وقـت النعـم زالـي



يا الله و أنا طالبك يـا كاشـف الغمـه




تحيي قلوب العبـاد و تصلـح الحالـي[/align]