[الداحشي]

[align=center]هذه قصيدة اخرى للشاعر ظافر القحطاني ..اعجبتني يا اخوان فكتبتها لكم وهي في شريط
( سمان المعاني) اللي نزلت لكم منه قصيدة الشايب السابقة .وترى تشلعت وانا اكتبها لكن
تستاهلون اني اتعب عشانكم[/align]


[poem=font="Simplified Arabic,5,#000000,bold,normal" bkcolor="" bkimage="images/toolbox/backgrounds/14.gif" border="solid,4,#400000" type=2 line=0 align=center use=ex num="0,#400000"]
يالله ياللي تسوق الغيث وخياله=ياخالق ارزاق خلقك يامقدرها
ياعالم الغيب ياللي دوم نلجا له= عنك المخاليق ماتخفى سرايرها
اطلبك طلبت وحيد(ن) تايه لحاله=يمشي على طرقة (ن)ماهو بخابرها
في لاهب القيض والما ما تهيا له=يفنى مع ايامه اللي حل عاشرها
يوم انثنى في مكانه من ردى حاله=جثى على ركبته وايده يشمرها
ساق الدعا باسط(ن) يمناه وشماله= يدعي وعينه تغشتها عبايرها
طالبك ياواحد(ن) ننخاه ونساله= هون على النفس بلواها وصبرها
واغفر لعبدك ذنوبه وادمح (ا) زلاله=لاشد من دنيته لادنى مقابرها
يصاحبي ماشكيت الموت وآجاله= الموت له حزة(ن) محد(ن) يوخرها
شكواي من ضمة(ن) للقبر واهواله=في حفرة(ن) ضيق الجنبين حافرها
كم سج عنها غشيم (ن) خاطره داله=ترقص وتنفخ له الدنيا مزامرها
تغريه بالغنج لاقامت تثنّى له=لين اغوته عن طريقه من تماكرها
وياصاحبي من هقى دنياه تصفى له=يلقى الفواجيع غدر(ن) في بشايرها
دوارة(ن) بالوعود الزور محتاله=تفتن بها اللي تصور له مشاعرها
كم ظن قيصر بها في ملكه وماله= انه بها دون يفنى مايغادرها
كم ظن كسرى بها فالحكم ورجاله=انه غدا خالد(ن) معها يسامرها
مرت على الفرس والرومان مختاله= واستاصلت مجد كسراها وقيصرها
وياصاحبي سرها فالناس واعماله=يقضي على (ا)طبوعها والا يغيرها
كل(ن) تشكل طبوعه سيرة اعماله= وظروفها والسنين اللي يعاصرها
ياكود ماورّثوا له جده (ا)وخاله= لو ما يراعي لها لابد يخسرها
كم غافل(ن) عن جداها مشغل(ن) باله=في دار الاجناب يخفيها وينكرها
وفي الناس عرّاف تدري وين منزاله=تخبر مواريه باطنها وظاهرها
ان قطب (ا)سلوم جده طيبوا فاله= وليا نساها ارخصوا به لين يذكرها
وياصاحبي ماتساوى الناس في حاله= معادن(ن) تكتشفها في محاضرها
فرق (ن) بالافعال برّق لين تصحى له= حتى ولو هي تشابه في مناظرها
فيهم شجاع(ن) يحل الناس في جاله=تونس به (ا)عداه عود(ن) في مناحرها
وفيهم كريم(ن) عثت يمناه في ماله= ومشرّع الباب والنيران يدهرها
وفيهم حكيم(ن) تصيد الراي باقواله=في كلمته مرجع(ن) للي يفسرها
وفيهم ذليل(ن) رضى لعداه باسباله= تاطا مناشيه وانيابه تكسرها
وفيهم بخيل(ن) ثنى المغاط لرياله=لو جاب للضيف دله مايبهرها
وفيهم غشيم(ن) تغرك نكست (ا)عقاله= سوالفه لاهرج ودك يسكرها
كم شفت من عالم (ن) تبنى له الطاله= كم شفت من عالم (ن) ماني بخابرها
آقف على باب هرجي واحكم اقفاله= واسلم من اللي يقدمها يوخرها[/poem]