[أحمد العدواني]

[align=center]
ياالله يااااااااا معين .. وبك نستعين

بسم الله ..

=-=-=-=-=

اقتباس: # الهلال فاز بلقب درع الدوري العام الممتاز ( بمسماه السابق ) 6 مرات ، والنصر 3 مرات .

دروع مشرفه طبعاً وخاصة النهائي اللي قدام الاتحاد أيام كانت تحسب الركنية بربع هدف واللي قبل نهاية المباراة بربع ساعة وبأمر من المنصة الرئيسية تم الغاء النظام لان الاتحاد كا ن فايز بحسبة الاهداف الصريحة مع مجموع الركنيات وراحت البطولة للهلال وأيضاً لا ننسى بطولة أخرى بهدف نجيب الامام االشهير اللي جاب لكم بطوله

***

اقتباس: # الهلال فاز بلقب كأس دوري خادم الحرمين الشريفين(بمسماه الحالي)5 مرات ،والنصرمرتين.

وبرضه ما شاء الله كؤوس مشرفه وخاصة بطولة أبو زنده ايام يد النزهان والمهنا مع هدف الحبشي وغيرها مع العقيل والشريف والدخيل !!

***

اقتباس: # الهلال فاز بلقب كأس سمو ولي العهد 6 مرات، والنصر مرتين.

اقتباس: # الهلال فاز بلقب كأس الملك ( بمسماه السابق ) 6 مرات ، والنصر 6 مرات.

يحق له وفي البطولتين هذي وفي ذيك الفترات بالذات عشان كان معه مصارعين من نوعية رافلينو والنيفاوي وخذوها بالمشعاب والمرافس

***

اقتباس: # الهلال فاز بلقب اغلى بطوله في تاريخ رياضه الوطن ( كــأس المؤسس ) مره واحده ، والنصر عقبال (100)سنه قادمه.

أووووف عاد هذي الهدية العظمى اللي تم تجهيزها لكم وعلى مقاسكم وليتكم خذتوها بجداره لانها فضيحة لكم ولن يرحمكم الاهلاويون ولا كل الجماهير على اغتصابها !!

***

اقتباس: # الهلال فاز بلقب كأس الخليج للانديه مرتين، والنصر مرتين.

ما يحتاج جابها وعن جداره وخاصه قدام السد وهدف اكوا مهاجم السد الدبل كيك اللي الغوه وتأهل حبيبك وخذ البطولة !!

***

اقتباس: # الهلال فاز بلقب بطوله الانديه العربيه ابطال الدوري (بمسماه السابق ) مرتين، والنصر لم يحققها .

عاد هذي أكبر البطولات فخر لكم واحنا النصراويين مفروض اول ناس نبارك لكم ونقلبها (ولوله) وعويل وبكاء على روح المرحوم ( بلقوله ) صاحب البلنتي الشهير بطولة عمر الغامدي فلاي سنوكا

***

اقتباس: # الهلال فاز بلقب بطوله الانديه العربيه ابطال الكأس( بمسماها السابق ) مره واحده، والنصر لم يحققها.

اقتباس: # الهلال فاز بلقب بطوله النخبه العربيه(بمسماها السابق) مره واحده ، والنصر لم يحققها

عاد هذي مع الهدف الي الغوه لفريق تشرين ما أدري الجيش السوري بحجة ان الكورة لفت من ورا خط المرمى تعتبر في نظركم مستحقه ، رغم ان الاعادات اظهرت العكس !!

***

اقتباس: # الهلال فاز ببطوله كأس آسيا للانديه ابطال الدوري (بمسماها السابق ) مرتين والنصر لم يحققها.

اقتباس: # الهلال فاز ببطوله كأس آسيا للانديه ابطال الكأس (بمسماها السابق ) مرتين ، والنصر مره واحده.

اقتباس: # الهلال فاز ببطوله كأس السوبر الاسيوي( بمسماها السابق ) مرتين، والنصر مره واحده.

ثنتين من بطولاتكم الاسيوية اللي فوق يقولون ماخذين اشرطة النهائي فيها لتعليم الحكام في الفيفا ضرورة تجنب الأخطاء القاتلة والتي تحسم مباريات وخاصة هدف سيرجيو التسلل عيني عينك مع الفريق الكوري واللي من قوة وصلافة وجيهكم الى اليوم تكررون عرضه في قناتكم وتتفنون بالحركه البطية كيف ان سامي مررها لسيرجيو وهو متسلل !!
يعني شوفوا بطولاتنا الحلال يا نااااااس !!

***

اقتباس: # الهلال فاز ببطوله الصداقه الدوليه مرتين، والنصر لم يحققها.

عاد بطولة الصداقة باخلي الامير خالد الفيصل يكتب بيتين فيكم يشرح لكم كيف خذتوها ويحدد كم شبر دخلت كورة البلنتي الأخير اللي سدده لاعب أبها احمد الزهراني داخل المرمى
والثانية حقة بلنتي محمد دابو اذا اذكر واللي برضه خذتوها وفرحتكم وصلت عنان السماء !!

***

اقتباس: # التقى الفريقين خارجياً في ( 3 ) مناسبات..... # في دور الاربعه لبطوله كأس الانديه العربيه ابطال الدوري التي نظمها نادي النصر عام1416هــ وفاز بها الهلال بركلات الترجيح واخرج النصر من البطوله. # كما التقى الفريقان في كاس النخبه العربيه في سوريا عام 1422هــ وتعادل الفريقان بهدف لمثله وفاز الهلال بالبطوله. هذي هديتنا لكم عاد ، كانت قابس قوسين وقلنا تستاهلون في غربه مع بعض وبنضحي بها ولو كانجبنا البلنتي كان الكاس امداه في الدواليب الصفراء !! # كما التقى الفريقان في نهائي كأس البطوله العربيه للانديه ابطال الكؤوس في الرياض عام 1421هــ وانتهت المباراه كالعاده بفوز الهلال بهدفين لهدف.

اقتباس: # عدد البطولات المحليه للهلال( 30 ) بطوله ، وعدد بطولات النصر المحليه ( 15 ) بطوله فقط ، اي ان الهلال يتفوق محلياً بفارق ( 15 ) بطوله !!!

قصدك عدد المحلية اللي يمكن تكون حلال وبعرق الجبين لكم 12 ، والنصر 15

***

اقتباس: # عدد البطولات الخارجيه للهلال ( 15 ) بطوله ، وعدد بطولات النصر الخارجيه( 4 ) بطولات فقط اي ان الهلال يتفوق خارجياً بفارق ( 11 ) بطوله !!!

قصدك عدد الحلال لكم يمكن 9 والنصر 4 + وصول النصر لبطولة أندية العالم واللي تعادل عشرين بطولة يصير النصر 24

***

اقتباس: المجموع الكلي لبطولات الهلال (45 ) بطوله ، والمجموع الكلي لبطولات النصر ( 19 ) بطوله " وبحسبه سريعه نجد ان بطولات الهلال الخارجيه فقط من عام 1406 هــ وهي اول مشاركه خارجيه للزعيم الى عام 1427هــ ( خلال 21 عاماً ) تقارب بطولات النصر الداخليه والخارجيه منذ تأسيس النادي عام 1375 هــ الى عام 1429 هــ ، خلال 54 عاماً

قصدك المجموع الكلي لكم 21 وفيها شبهه بعد + كاس الخطوط نحسبه لكم ( بربع بطولة ) يصير 21 وربع ، بينماالنصر له بطولات مناطق وهي تعتبر بطولة رسمية لانه مو ذنبه ان اندية مناطق أخرى ما اشتركت يمكن ثمان ( 8 ) بطولات زيها زي كاس العالم الاول والثاني ما شارك الا منتخبات قليله وفازت به الارجواي ، يعني نقول الارجواي ما تاخذه عشان منتخبات من آسيا وافريقيا واوروبا ما دخلت تصفيات ولا شاركت !! لكن لانه النصر ما تحسب له وتعتبر تنشيطيات وفرقها قليله ، حتى لو كانت الرياضة عندنا توها باديه وتحتمل مشاركة فرق قليلة !!

***

اقتباس: # لعل الشيء الذي يتفوق فيه النصر على الهلال هو إحرازه لبطوله انديه الدرجه الاولى قبل صعوده للممتاز في بدايات النادي !!!

هذي بطولة حلال ومستحقه ويحق للنصر يفخر فيها

زيه زي تشلسي وبرشلونه ونابولي كلهم طالعين من الدرجة الأولى والآن من اعظم اندية العالم
ويكفي النصر فخر انه انضم للممتاز عام 1382 هـ وهذي السنه ما حقق شي واللي بعدها جاب المركز الثاني واللي بعدها 1384هـ بدأت أمجاده وغيبكم مع الإتحاد والأهلي ( 14) أربطعش سنة متتالية عجاف من عام 1384هـ وحتى عام 1396هـ

[blink]وهذا السبب الطبيعي لكرهكم للنصر لأنه بعبع لكم إذا كانت المنافسات شريفة

وبيبقى بعبع وبعلوس يجيب لكم الجنان لو يبتعد عن البطولات الف سنه لانه كان سبب أكبر وأطول معاناة حرمان عشتوها !!

[/blink]


=-=-=-=-

تحياتي

أحمد العدواني [/align]


.