[علي الزهراني]

[poem=font="Simplified Arabic,4,#000000,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
طعنت الليل برماح الشموع وسال به نبراس=وطلّعت القلم من لجّـة الأدراج واللقاني ..
.. أبيعك للورق لحظه ، وأعود أشتريك أحساس=وانا الضايع أدور لك مابين السطر والثاني !!
حبيبي لامتى وآنا ابزرع هالسهر بنعاس=وانا اسقي هالفراش أحلام واقطف حسرة اجفاني
تعلمت ( أرسمك ) لكن خساره خانني الكراس=كُتبتك (بالفرح) لكن لقيت الحزن يقراني !
أنا المحبوس ما بينك وبين الصوت ، والأنفاس=وأنا الهارب من حزانك عن أحزانك لأحزاني .. !
أنا ذكرى الحطب لامر في باله غرور الفاس=وأنا الواقف سنين أحلم وحلمي قد تعداني
أذا كان (الأمل) أسمك فانا اسمي في الحقيقه (ياس)=وأنا ما اخترت هذا الأسم ، غير الوقت سمّاني
كبرت ولا لقيت إلا الطريق ووحشته والناس=كبرت ولا لقيت الأ الفرح يبكي على شاني
أنا لاجاتني الفرحه يقولون : البشر لاباس =كذا لاحل بي حزني أشوف الكون هنّاني !!
حبيبي طالت أسوارك غرور وأثمرت حراس=وانا المرمي على ضفت غيابك شوف مقواني
دخيلك ياشياطين الجفا لو فزعتك (وسواس)=ابي تهدين خلي للقا ما دآمه أغواني !!
من اليله أبستغفر وبحرق هالورق والياس=وبدعي الجرح يغفر لي وترضى عني أحزاني ![/poem]