[][ هـيـكـ‘ـتـ‘ـوـوـر ][]

وابدّل القصـه بغتـره وجاكيـت****واركب انا ويـاه ددسـن غمـاره



قصيده خفيفه اتمنى ان تحوز على جزء من اعجابكم


صلو على النبي





الباااارحه من لجة القلب ما امسيت
والنوم عن عيني محـزّمّ قشـاره

من كثر همي والهواجيـس مليـت
وداج الفكر مابيـن تـاره وتـاره

لا ياغصون المال ياليـت ياليـت
يدني علي عودك وانا اقطف ثماره

واقول للحـظ الـردي ول وليـت
لا رحم ابو حظ ٍ يطـول انتظـاره

وابـدل الغتـره بقصـه تواليـت
وازحّف المرسدس في كل حـاره

ولا اصيف غير في يونت ستيـت
وباريس لاجيتـه ينـوّر مطـاره

والقا طرب قلبي عقب ما تعنيـت
وارشح اسمي في سجل التجـاره

والناس حولي تتبع المال والصيت
واللي معاه ريـال يكبـر وقـاره

حتى ولو يخطي يقولـون اقديـت
ومثلـك يقدينـا ونتبـع مـسـاره

هذي الاماني كـان لـي ماتمنيـت
والا الحقيقـه ذابحتنـي القشـاره

عزاااه يا وقت الشقا ويش سويـت
لاقلت زان الحـظ ثـوّر غبـاره

مابين هم الديـن والفقـر صديـت
واتبعت حربك لي ثمانيـن غـاره

وانا على حربك صملت وتعزويت
لو ان كسر الظهر مالـه جبـاره

لعيون من حبه بنا فالحشـا بيـت
وتل الفواد وشـب فالقلـب نـاره

الغالي اللي شتت القلـب تشتيـت
مابين صـده والوصـل والزيـاره

من اولٍ لا شفـت زولـه تغليـت
واليوم اجي سوره واقبل جـداره

تبكي على الاطلال وتقول حنيـت
والدمع من عيني يزيـد انحـداره

لكن علي رفقـه وديـن وتثابيـت
ومادام في راسي جموح ونعـاره

اني لاجي له رغم انف الطواغيت
لوهـو بعيـد ونازحاتـن ديـاره

واقول للحـظ الـردي ول وليـت
لا رحم ابو صبر ٍ يطول انتظـاره

وابدّل القصـه بغتـره وجاكيـت
واركب انا ويـاه ددسـن غمـاره



وسلامـتـكـم