[فلاح بن منشار]

[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يالله تكفينا في اصحاب الارجاف = الي يقولون السعودي امتكاسل
اهل النفوس الخايعه واهل الاسراف=الي لحب المال كبوا التكافل
اهل العقود الي كلوا حق الاشراف=راتبهم الف ولو رفض صار فاشل
هذا هو الراتب لسواق الاسعاف = وسبع ميه راتب الي مراسل
بالثانويه حارس الامن ينعاف = راتبه للتكسي وحق المغاسل
يقدمون الاجنبي فوق الاكتاف = وابن البلد بالزور تحصيل حاصل
وين المفوض مايرد اهل الاجحاف=والا المصالح خلت الحق خامل
سوق العمل ظالم ولا عنده انصاف=ثلثين دخله في حساب المقاول
ماظن قادتنا دروا باهل الاسفاف=ومجلس الشورى بالاوضاع جاهل
هذا صدى صوت المواطن على القاف=صرخة آلم مالاقت الا التجاهل
الحمد لله حكمنا حكم شفاف = والاولويه للوطن والتكامل
الخير راهي مير كفوه الاطراف = ماياصل الا عقب نخل المناخل
دام اننا نبخس في الكيل واخفاف=واسواقنا فيها تشوف المهازل
خوفي يجينا مثل ماصاب الاحقاف=او يبتلينا الله بكثر النوازل[/poem]