[خالد رجب]

[align=center]احيان يهواك شخص ولا يبيّن شعور ..
ممكن لإسمك .لصوتك صورتك.شيّ فيك.!!
يشربك في غفلتك : ميّ وشعاع وعطور.
ويحضنك في غيبتك...كلّك ..من اوّل يديك..
احيان يسقط لك الكلمة مابين السطور..
واحيان ينطق ويحسد ثوبك اللي عليك!
هو الشغف حين يتعاظم ويملى الصدور..
هو الوله وانت تنطر غاليٍ مايجيك..!!
هو التعب وانت في الأرض الوسيعة تدور ..
طريق يبداك والثاني كذا ينتهيك !
هو السهر لين يصحى النور وينام نور
هو القهر حين تتعلق بمن لا يبيك..[/align]