[الوضاح]

أعجبني اخوي الدكتور في طرح الموضوع ..
وبعدين والله اني مانيب متحسف على ناصر والا غيره لانه كسب قلوب الملايين والملايين من السعوديين اللي بيكرموه وعيضه ..
يمكن التصويت ماخدم ناصر ولا عيضه .. وانتم تعرفون ان الرسايل عندنا بخمسة ريال .. يعني واجد
وقيسوها على المنتدى .. بس هل في أحد ضحكوا عليه وغروه وصوّت .. أكيد لا !!
وقطر فاتحين التصويت بالمجان يعني كل بو اهلها بيصوتون بالالاف .. ويفوّزون شاعرهم (( بالعقل ))
والاماراتي لازم يفوز بالثاني والا الثالث مافيها كلام .. البرنامج برنامجهم وصعيبة مايفوز إماراتي ولو مجاملة ..
أما أخونا اليمني في شعره فوالله مهب ذاك الزود .. لكن يمكن بعد خدمه التصويت
واللجنة ماقصرت مع ناصر أعطته أعلى نسبة ويستاهل ..
وناصر كرجل عاقل ينبغي أنه مايزعل لأنه دخل المسابقة ورضي أن لجنة مكونه من أعضاء بعضهم مايدري عن بحور الشعر
ولا حتى عن الاوزان والقوافي .. ينقد ويتفلسف ويجيبها يمين ويسار أمثال .. تركي الدليخي
تحكم عليه وأن السالفة فوز وخسارة وأنه صار تلاعب بالنتايج النسخة الأولى ..
فدخوله البرنامج وضمانه الفوز بالبيرق ليس من العقل بمكان ..
لأن مابني على باطل فهو باطل ..
..
أعجبني البرنامج كثير لأني اطلعت على ثقافات ونوعيات ولهجات واصطلاحات مختلفة ومتنوعة ..
ولكل شاعر صبغة وأسلوب في سبك القصايد ونظمها ..
..
تحياتي