[الهيثم 07]

(انواع القهوه الجيده ومكونات القهوة*]


اجود انواع القهوه هو البريه والهرري والخولانيه..ومتوفره بالسوق..

*الهيل والفاخر منه يبين بالريحه وحجم الحبه..طبعا الغالي سعره فيه..


الزعفران.. قمة وهو افضل ما تذوقت سواء في القهوه او غيرها واعتقد انه ايراني..

*البعض يضيف الزنجبيل مع القهوه(مع الهيل).
................................................... ........................
التحضير

اعدادها.اولا تحميص البن.. اكيد تحميصه في البر يكون على الحطب وهو سر تميز القهوه
في المكاشيت.. واحسن شي انك تسوي قهوة كل دله في وقتها..

تحمص القهوه مع التحريك الى ان تصل الى درجه بني فاتح الى بني(يعني شقراء )
.ما يحتاج نقول ان سبب التحريك هو عشان ما يحترق بعض الحب والبعض
الثاني يكون نص استواوالثالث ني (كبده مو قهوه)..

بعدين جب لك نجر ودق فيه القهوه الين تصير شبه ناعمه الى شبه خشنه(والله من زين الوصف0
.................................................. ...
التقديم
]حط ملعقة صغيره من الهيل في قاع الدله وشوي زعفران

الزعفران يحدد الكميه اذا كان الزعفران درجه اولى ما يحتاج الا القليل..(الباديه واهل المحافظات والقرى في

نجد والحجاز يتعبرون كثرة الهيل من الكرم).
......................
الكثير من القبائل - يهتمون لهذا الامر اشد الاهتمام.. فمن المخجل والمعيب ان يقدم القهوه شخص غريب(يعني هندي اوقهوجي ومرات احد خارج افراد البيت) (بس الناس سمحين الان)..

اضافة الى ان الدله يجب ان تكون ثابته في اليد وما يطلع منها اصوات

.................................................. ......
اطلعة عليه فاعجبني عسى ينال اعجابكم