[خالد بن منشار]

[poem=font="Simplified Arabic,5,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ماذبحني في زمانـي كـود نـور الأردنيّـه = ولّعت قلبي بنظره واملـت العيـن بحلاهـا

طحت ياناصر وانا الّي مـا تطيحنـي بنيّـه = اوووه ياعمري عليها زاد في قلبـي غلاهـا

ليتها ياخوك عنـدي كـان روحـي مهتنيّـه = ما أبي ياكود حضنٍ أحضنه واشعـر دفاهـا

شاقنـي ذاك المحيّـا وابتسامتهـا النقـيّـه = ترقص الدنيا بعيني يوم تضحك لـي شفاهـا

ملحهـا ملـح ابدويّـه والملامـح شركسيّـه = تخجل عيون العذارى يوم تنظر فـي بهاهـا

بالحسـن ربـي خلقهـا آيـةٍ بيـن البريّـه = ما رأت عيني كماها وما أظن احـدٍ كماهـا

فاتنه فيها براءه .. لاعبـه فينـي .. شقيّـه = طفلةٍ في عمر زهره ما ورد غيـري سقاهـا

ما روت من شرب دلوي بين صبحي والعشيّه = وماروت نفسي وانا الّي كم شربته عذب ماها [/poem]