[فهد سعود الزهراني]

[poem=font="Simplified Arabic,6,white,bold,normal" bkcolor="sienna" bkimage="" border="double,4,black" type=3 line=0 align=center use=ex num="0,black"]
حن ياشعر مسقـط راسـك الابتكـار=
وامك الفكرة العذرا وابـوك الضميـر =
مارضعت اللبن من نهد ذات الخمـار=
ولاعرفت الفطام ولا لبـاس الحريـر =
انت كائن هلامـي مـن بقايـا دمـار=
واحتضار المبادي في الصراع الخطير=
جيت من عالـم اللاشـي رد اعتبـار=
لامتهان المجير بصرخـة المستجيـر =
جيـت مينـا وبوابـة وشعلـة فنـار=
يلتقي فيك سربين الوطـن والمصير=
جيت تسهم مع الواقع بصنـع القـرار=
من خلال المنابـر والـورق والاثيـر =
جيت تحكي حكايتنا عـرب باختصـار=
كيف صرنا وكيف الوضع لازم يصير =
كيف عليت كعب النابغـة ليـن صـار=
ينتقـد بيـت للخنسـا وبيـت لزهيـر =
كيف في المربد اشعلت امبيال الحوار
للفرزق والاخطـل والتميمـي جريـر =
كيف كنت الجهاز اللي يزيـد انتشـار=
ابشع ابيات قيلـت فـي قبيلـة نميـر =
كيف حرضت فاروق وصلاح ونـزار=
يوم كانوا لصنع الحرف رهبـان ديـر =
يجعلون العروبة في خضـم الحصـار=
تهتـف الله اكبـر فـي تفاعـل كبيـر =
كيـف عيشتنـا فـي لـذة الانتصـار=
بينمـا تعلـن الابـواق شـؤم النذيـر =
كيف والقدس كم خطوة من الانتحـار=
ننسجم في قصيـدة شاعـر ونستخيـر =
عمرك يقاس بالتاثيـر عكـس العمـار=
نوب عمرك طويل ونوب عمرك قصير =
تحسب ان الخلف مثل السلف يستثـار=
بس ما عاد فيهـم حيـل مهمـا تثيـر =
وش كثر كنت ياهالشعر مصدر دمـار=
كثير ما كنت معطـاء وقليلـك كثيـر =
أمة الضاد مـا للضـاد فيهـا وقـار=
عزتي ياعدمنـا خيلنـا ان لـم تغيـر =
سافر مع اي طيارة وفاقـرب مطـار=
قبل الاغلاق واعلان النـداء الأخيـر =
لاشعوبك شعـوب ولاديـارك ديـار=
ولاحياتك حياة ولا مصيـرك مصيـر =
واترك الشمس تكسف لو بوضح النهار=
أصلا التايه اعور والمقـدّي ضريـر =
ابراهيم الشيخي =[/poem]