ليش بعض الناس ما يمشون الا بالعين الحمرة
بسم الله الرحمن الرحيم
يمكن تستغربون من العنوان
لكن هذي حقيقه بعض الناس ما يون الا بالعين الحمره
و هذي قصة حصلت معي
من كم يوم كنت رايح احدى الوكالات ويوم دخلت
حصلت حرمة تمسح بكرامة واحد من الموظفين الارض
و لانه انمسح بكرامته نقص لها السعر
المهم انا ما عيبني اسلوبها و لحد الحين انا مب راضي عن اللي سوته
و قلت في نفسي عنبو هالحرمه اللي ما تستحي جي تكلم الرياييل
و رحت نفس اليوم وكاله ثانيه عشان اظهر سيارة اخويه من التجييك
و لاني ساكت وطيب وياهم لبسوني يمكن نص ساعة و انا انتظر
و اشوفه يخلص اللي بعدييمكن لانه يعرفهم
و بعدين ييت للموظف وقلته هاا خلصت السيارة قالي لا اصبر شوي
المهم ويلست يمكن عشرين دقيقة زياده
و بعدين ما رمت استحمل و جان اهزبه
ويوم حصل الهزبه على طول خلصني
طبعا انا مب ويا العصبية لكن احيانا الواحد يسوي الشي غصب عنه
|