[سمحان]

[poem=font="Simplified Arabic,5,#2345B6,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
تمون ولا يمون اهل الجهاله= ويبقى الود له قدر اوجلاله
أنا من شان عين أكرم مدينه=ومن شان الهدب باغلي كحاله
صداقة عمر ماتعدَل بساعه=ولا تقبل موازين الهباله
عفى الله عنك ياحبٌ منعني=ارد الظلم واقطّع وصاله
سكنت ابقلب بك غاني وعامر=بنيت القصر من جاله لجاله
ولو نوخت من شانك ركابي=وسمحان اعقله واوثق عقاله
فلا هو ذل فيني ولا غشايم=انا والبرنو اخوان اوزماله
نقلته ما وصل عمري ثمانا=خبير ابنقلته واعرف مجاله
وهذا الوقت متضخم عجايب=تشركل راعي العرف ابحباله
يجينا الهندي من الهند جاهل=ويصبح عندنا ريس وكاله
ترى ماهو دليل انه مفتّح =على اعمانا ترى هذي دلاله
نسميه الخبير اونستشيره=ونتبع شوره اونسمع مقاله
وعند الحق والتمحيص والجد=فان الجهل من اوضح خصاله
عساني ما اعدم اللي يفهموني=عساها توصل ارموز الرساله
مادام الود له قدر اوجلاله=تمون اولا يمون اهل الجهاله[/poem]