[اسيرة البعد]

إنت السبب خليتني ادور على غيرك

واليوم تبغاني احب و اقبل معاذيرك

لا ياحبيبي خلاص .. كل وادي شرب ماه

من ذل نفسه في الهوى يستاهل اللي جاه

قد كان عزك وسط قلبي و تقديرك

واليوم حيرني اسلوبك و تفكيرك

ماكان هذا جزاء قلب الوفي تنساه

من ذل نفسه في الهوى يستاهل اللي جاه

وضح كلامك معي ,, وترجم تعابيرك

و أبعد شكوك الهوى اللي دايم تثيرك

من حب حد .. مارمى وده ولا خلاه

من ذل نفسه في الهوى.. يستاهل اللي جاه

ياريت ترجع حبيبي بس .. لخط سيرك

و نعيش احلى الليالي في ربى خيرك

خايف على اساسنا .. لاينهدم مبناه

من ذل نفسه في الهوى،،يستاهل اللي جاهــــــــــــــــــــــــــــــــــــــــــــــ