الطمع ......
بسم الله الرحمن الرحيم
هذي اول مشاركة لي في هذا القسم وهي عبارة عن قصة معروفة و لكني حبيت اني اعيد صياغتها و اشارك بها عل و عسى انها تكون بداية موفقه .....
ثلاثة رجال في وسط الصحراء ....
خرجوا يدورون صيد لكن ما حصلو شي فظلو يمشون و استظلو تحت شجرة عشان يرتاحون ....
قال المهم انهم و هم جالسين يسولفون تحت الشجرة لمحو من بعيد شي يلمع .....
قالو في نفوسهم يا ترى هل هو خيال من شدة التعب.... و لا ذهب ... و لا ماي منعكسة عليه اشعة الشمس ....
المهم انهم قررو يروحون للمكان .....
ويوم وصلوا للمكان لقو كومة من الذهب ......
وفرحو فرح كبير ماله حد
قال الاول و اسمه حميد للثاني و اسمه بخيت يا بخيت انا فحلم و لا فعلم صدق هالشي اللي نشوفه
رد عليه الثالث و اسمه غدران لا نحن فعلم يا حميد فعلم
قال بخيت الحين لازم نتقاسم هالذهب بينا بالتساوي
رد عليه حميد وهو يغمز له : نعم نعم لازم نتقاسمه بالتساوي
بس اول لازم عالاقل ناكل شي ..... يا غدران شو رايك و انا اخوك تروح هالبلاد القريبه من هني و تييبلنا غدا ترانا يواعا يا خوي
قال غدران وهو يبتسم ابتسامه وراها ما وراها: فالك طيب يا خوي ابشر بسعدك
وقفا غدران عنهم وهبت ريح خفيفه من صوبه و عقت شوية غبرة على ويوه حمدان و بخيت و جنها تفوللهم الغدر ياي من غدران
ويوم ابتعد عنهم قال حميد لبخيت : يا بخيت ترا هالذهب غناه شو رايك نتقاسمه انا وياك و نطلع هالخسف من القسمه ؟؟؟؟؟
رد عليه بخيت و قال : بس الريال خوينا و ما يصير
قاله حميد يا ريال هذا غدار من اسمه يبين و انت ما تدري انه متكلم على هلك و قايل فيهم الذوايا
و تم يوزه عليه لين ما اقتنع
و قاله انزين يا حميد كيف بنطلعه من القسمه
قاله بسيطه يوم ايي بنقتله و بنشل الذهب انا وياك و بس
اما غدران جان مبيت الغدر من اول ما طلع من عندهم لكنه كان يفكر في الطريقة اللي بيغدر فيها بربعه ...
المهم انه دخل القريه وهو يمشي رايح للخباز .... خطف على عطار بينه و بينه معرفه و سلم عليه و رد عليه السلام و قاله اقرب يا خوي
قاله قريب يطول عمرك انا مروح اييب لخوياني غدا .....
وهو يقول هالكلام شاف فايد العطار غرشه و قاله : شو هذا يا خوي ؟؟
رد عليه : مالك حايه فيه هذا سم ساعه
قاله : كيف يعني ؟؟؟
قاله : ان سقيت حد امنه يموت فساعته
قاله : انا ابيه يا خوي
قاله العطار وهو مستغرب : ليش تبا تقتل منوه ؟؟؟؟؟؟؟
قاله غدران : لا انا ما ابا اقتل حد لكن دياي الييران اذني كل يوم ياكلن البذر مالي
المهم انه اشترى من عنده ذيك الغرشه
و روح للخباز و اشترى من عنده الغدا
و يمم صوب خويانه ويوم عدا عن البلاد صب السم في الخبز و الاكل
وقبل على ربعه واول ما شافهم قال السلام عليكم
وشاف فعيون بخيت الشر
قاله خير
قاله الخير ماييك و لا يطيح دار سكنتها انت تتكلم على هلي بالشين
و ثور فيه( نقع فيه ) بثلاث طلقات و مات غدران
و قاموا بخيت و حميد كلو الي يايبنه غدران و اول ما طاح الاكل فبطونهم حسوا بالويع يبون يقومون و ما راموا
و تمو يترفسون محلهم لين ما ياهم الموت
و خطف بعدها شيبه و شافهم وقال : هالمال قتل طلابه
((((( انتهت ))))
شو رايكم يا اخوان بالقصة ارجو اني ما طولت عليكم ويبتلكم الرقاد
|