[رغدة]

بنات الأدبي دائما مبتسمين ومفرفشين
بنات العلمي دائما مكتئبين وما عندهم وقت يضحكون بس عندهم وقت يصيحون


بنات الأدبي عادي عندهم يروحون المدرسة وإلا لا والأفضل عندهم طبعا أنهم مايروحون
لان مايحتاج احد يفهمهم اللهم يحفظون الكتاب ويروحون يسمعون اللي حفظوه

بنات العلمي إذا غابوا يوم عن المدرسة أو بس تأخروا يسوون سالفة مايخلون وحده وما يتصلون فيها يخلونها تشرح لهم وتفهمهم ويأخذون الواجبات منها وعقبها يروحون يقعدون على رأس المدرسات عشان يشرحون لهم مرة ثانية وعشان يتأكدون أنهم حصلوا كل المعلومات ومافاتتهم ولا معلومة



بنات الأدبي يطلعون من الامتحان وهم شاقين الحلق لان ماتفرق معاهم الدرجات

بنات العلمي يطلعون من الامتحان يصيحون وعلى طول يفتحون الكتاب ويتأكدون من أجوبتهم ويا ويلنا لو في جواب وألا نص جواب غلط على طول الدموع تنصب والوجه يصفر.



إذا شفت بنات دببة اعرف إنهم بنات الأدبي ماوراهم دروس ولا شغل إلا الأكل

إذا شفت بنات يكسرون الخاطر عصاقيل شوي ويموتون اعرف إنهم بنات العلمي المساكين دائما يذاكرون لدرجة أنهم ينسون يأكلون.



بنات الأدبي وفي حصة الاحتياط يقعدون يلعبون أو يسولفون مع المدرسة أو يعيبون عليها

بنات العلمي في حصة الاحتياط طبعا مايفوتون أي حصة بدون دراسة نحصلهم يدرسون بنفسهم أو يروحون يدورون على مدرسة فاضيه وينادونها عشان تعطيهم دروس ..


بنات الأدبي دايما تشوفونهم شاردين من مدرساتهم وحصصهم ويتمشون في ساحة المدرسة كأنهم على الكورنيش ..

بنات العلمي مانشوفهم في الساحة إلا وقت الصرفة ونادرا طبعا والمدرسات هم اللي يشردون منهم بس لا مفر طبعا للمدرسات.



ملطووووووووووووووووش