قصيده رائعه
هذي قصيده للشاعر الكبير خالد العتيبي احد المشاركين في شاعر المليون اعجبتني وحبيت انقلها لكم
البقا لله والعمر وان طول قليل
والمنايا كنها النوم ما يدرابها
والرجال تصد وتشوم عن مد الذليل
لو على كفت بصرها وقطع ارقابها
والرخوم اتزاحم الذل في باب البخيل
لو على نتفت لحاها وحلق اشنابها
وانت ياللي لك ورى العوج مدهال ومقيل
يا مصلي بالمحاني على غيابها
زرتها مره وسنيت لك علم يهيل
واختصرت احباب عيني وصرت احبابها
يا جميل كاسبن بي بهمساتك جميل
كيف وانت تمد يمنى زهت بخضابها
لك كلام يضيف بحر مع اوزان الخليل
والك ضحكه جابت السحر مدري جابها
وجهك اكتاب المحاسن ومع فل الجديل
ماتهجيت الف باها عشان اقرابها
وان طرت لي بحة الصوت والعنق الطويل
والثمان اللي بعمري لعل اعذابها
والنحر والخد والقد والخصر النحيل
والحجاج وشعل تذبح بسل اهدابها
والجبين وفارع الطول والطرف الكحيل
والوصوف اللي تدرى ولا يحكابها
اعترفت انك محال ووصفك مستحيل
يابعد قدح المعاني ومن غنابها
فيك شهد وفيك ملح وبك صبح وليل
والك خوف بالحنايا وفيك اعجابها
والك عدل في وصوفك ولا يمك عديل
انتهي حلو السجايا ومنك ابدابها
وان وفيت ابموعدك ونت عاداتك ثقيل
والذعاذع بشرت عنك وانت اطيابها
مقدمك وسمي ويوم من الشهر الفضيل
وانتضارك ليلة العيد وانت اولابها
وانت لاتبدل بي الصد مامثلي بديل
لاتقافن الليالي وضاع احسابها
حالف اني ما اتغير ولاابدل عميل
تضحك الايام والا تصر انيابها
والله انك فالملحى عن العلم الهزيل
والعفاف اثيابه البيض من تزهابها
شح في بنت الكحيلا ومن يصهل صهيل
مهرة سمى على الطيب من سمابها
وان تفارقنا والاقدار من حد الصقيل
وانتحيت وكل نفس رضت بعتابها
والله وانك ماتعرض على نقال قيل
لين اوسد في لحدها وتحت ترابها
|