[بندر الخزمري]

هذي القصيده كتبت قبل أكثر من ثلاث سنوات وكنت متحفظ عليها لأني أريدها أن تصل لمن أعنيه
والأن بعد ما تأكدت من أنها ستوصل عبر هذا المنتدى وبعد ما تأكدت من أنها ستقراء منه قررت
أن أكتبها واليوم

ستعرف أني أعنيك


تكـــــفيـن لا دقـيـت لا لا تـرديــــــن ... .. ... يكـفي المـوّلـع يـا عـذابـه رســـاله

يكـفي المولّــــع ما حصل منك للحين ... .. ... يكـفيـه لو تـدريـن وشـهو جــرا لــه

يكـفيـه حـــبٍ ضيـّع أيـام وسنـيــــن ... .. ... قضـّى سنيـنه وافـيٍ في وصــــاله

قضّــــى سنيـنه يحـسب انكِ تحبــين ... .. ... ما يـدري انـه فالمحـبه لحــــــــالــه

وفـا بزمـانٍ ما بقـى فيـه وافــــيــن ... .. ... يحـلم وحلـمه لو تكـوني حـــــلالـــه

حـــلم الطـفـوله ما بـدى قبـل يوميـن ... .. ... حلمٍ نشـا فالقـلب مـاله بــــــــــداله

ماله بديـلٍ من سكـن داخـل العـيــــن ... .. ... يرتــع ويمـرح مهـتـني في دلالــــه

يلعــــب على كيفه ويجـرح محبــيـن ... .. ... جميـل منهو فـالبـشـر في جمـــالـه

مســكين قـلب ٍيعشـق الريـم مسكين ... .. ... يحسـب مجـال الحـب هـذا مجـالـــــه

مـــا يدري ان الحب في يدين مقفين ... .. ... يجي بعجـاله .. ينتهي في عجــالـه

يــوم المـفارق قسّم القـلب نصفـيــن ... .. ... نصفٍ تمنى الموت والمـوت جالــــــه

ونصفٍ بكى مــن حسرته لو تحسين ... .. ... ليـن الوريـد اللي معــــه انتـخـــــاله

بــعد الفـراق اللي حصل قبل عامين ... .. ... ما يـذكر الا صـورتك في خيـــالـــــه

ما يـذكر الا نقـش حِنّــــا وكفـيـــــن ... .. ... وخـدً تعـنـّز فـوق كـفـه واْمــــــالــه

وصدرٍ تبـدى عـاجـزه لـــــه تغـطين ... .. ... والا انّـه اللي صـوره هو بــدى لــــه

حزنٍ سكـن في داخلي لو تعــرفين ... .. ... وهمومٍ اقـرب للرجـل من ظـــلالــــــه

ترى المحـبه يــاعـذابي لـها ديــــن ... .. ... هـذا الـوفـا لابـد اقـطـع حـبــــــالــه

حتى يجيـنا يـوم وانتـي تــــــدقين ... .. ... واقـول في مثـلك حـرام الرســـالـــه