[العندليب]

لو خــان كل الكــون والله مـــــاخنت

يانصفــــي الثـــاني وربي لصــــونك



يكــــــفي تراك بقتل روحـــــي تفننت

وشلـــون تحسبني بلحظات أخـــــونك



دام الغــــرام اللي مــــلكني به أمــنت

صعـــبة عليهم بالـــغلا يوصلـــــونك



أنت الـــغلا كل الـــغلا والــــغلا أنت

وشهي حيـــاتي يا حياتي بـــــدونك



قدام كل الكــــون يــــاخلي أعـــلنت

قـلبي وعــقلي والــمشاعر يبــــونك



مـاهنت عندك وأنت بالــقلب ماهنت

كلي معك بالــحب فدوت عــــيونك




×?°قصيدة أعجتني وطرحتها بين أيديكم ...×?°