رد : طلب: من قالت هذي القصيدة؟؟؟؟
غربة مشاعر
القصيده التي ذكرتيها هي اخر القصيدة اليك القصيدة كامله000الي قال القصيدة غير معروف وهي منقوله
ويعطيك العافيه000000000ت/ مروري
000000000 0000000000000000000 0000000000 00
القصيدة
اليوم لك ثاني مع راحة البال
وانا بعد همي له اليوم ثاني
اليوم تاركني اناظر بالاطلال
صورة,, رساله ,,حلم ,,جرح واماني
ليلي قضيته بين همٍ وغربال
واقول في نفسي حبيبي نساني
غنيت انا عقبك من الضيق موال
يومك تسمع للطرب والاغاني
لي دمعةٍ من فوق الاوجان تختال
يومك تلاعب مترفات المباني
وبي عبرة منها المخاليق تهتال
ياعبرتي لاتفضحيني عشاني
ياعبرتي خلي لك الصدر منزال
لاهوب بك داري ولاهوب عاني
مشغول له في ترفة حالها حال
ماهوب فاضي لعبرتي او جناني
في يوم واحد نسته كل الامال
وش عاد لو يدري بشوق غشاني
ماهوب مثل اول هذاك الغلا زال
عزّاه كيف الود زال بثواني
اربع سنينٍ طوال ياكيف تنزال
وتحط في قلبك هنوف مكاني
ماكنت اظنك تجحد الود لا طال
اثرك على طريف وتبيني اعاني
قد قالوا ان البعد والصد قتال
وانا اشهد انه علة بالمحاني
يومي اشوفك لابس بشت وعقال
والشارب الاسود وزول سباني
وعروستك من الحيا ترخي الشال
وترسل لها بسمه تزيد امتحاني
دمعي بلا علمي على وجنتي سال
اشتقت لك ليتك تحس بحناني
ليتك تشوف الحال يامتلف الحال
بس التفت لي شوف شالله بلاني
نصيتها تضحك لها لاهيٍ سال
واقول ياليته حبيبي نصاني
الله يادنيا التعاسه والاهوال
الله يستر وش يخبي زماني
غلطانه اللي تعشق اليوم رجال
مهما حلف بالود يبقى اناني
وقلب الرجل مابه من الحب مثقال
والبنت ترفه قلبها مايداني بث
حاولت أعبر والقلم في يدي مال
من هول مابي انعقد بي لساني
ـــــــــــــــــــــــــــــــــــــ
التعديل الأخير تم بواسطة الهيثم 07 ; 21-05-2008 الساعة 10:48 AM.
|