[زهرانيه وافتخر]

قصيدة روعه اتمنى تحوز على رضاكم

__ _ _ _____ _ _ _ _____ _ _ __


على نفس الرصيف اللي قريته من ثمان سنين
وقفت استدرج أطراف الوجع واستدعي أطيافه

هنا : طقـّة كـَعـَب / علكة / حكاية مزنه و ياسين !
هنا : شحاذ من عصــــر التداعي .. ضيّع لحـافه

هنا : ( دمعة ) رماها عابر ٍ ما رفرفت لالحين
هنا : جرّة عصا.. للشايب اللي ذلــّت أطــرافه

هنا : ضحكة عبير .. وصرخة المحتاج لريالين
تلمـّه في : عَرَق ( باص ) السبيل وغيره يعـــافه

هنا : كلمة ( هلا ) وهناك (طالق ) بعدها ( يا شين )
هنا : تنهـيدة ( أنثى ) شاتــــها .. ( سادي ) بلا رآفه

هنا البارح مشوا .. مدّ الرقم .. ( صاحت به : وبعدين )
ضحك / حنّت / خذت غدره / تلفت : ماحد ٍ شافه !

هنا : طفل ٍ نـفض كل الحبر.. من علبة التلوين
لاجل يكتب : ( بلادي ) .. وانمحت بـ(سعال) عرّافه !

هنا : صوت ٍ لاذاعة ( كربلا ) يعـــلن لعم حسين
وفاة أمه .. وخمســـة من عياله .. تحت جـرّافه !

هنا : طيحة جليل ٍ لفّه ( المأمور) بــطراقين
لأنه مالقى .. صورة بطاقة .. تحمل أوصافــه !

هنا : شلّة قصايد خانها شاعر وســد الدين
بها ريحة رصيف ٍ .. والزقاير شاهـد إنـصافه!

هنا : كان التعب يهدي التحايا لآخــــر الماشين
وأنا كنت الوحيد اللي ( مشى ) وانهدت أكتافه !!


__ _ _ _____ _ _ _ _____ _ _ __


صراحه ما ادري من شاعرها

ع العموم اتمنى اعجبتكم


تمت

ملطوووووووش