[شذى الريحان]

يا بنوتة اسفة والله ماشفت طلبك غير متاخر
ماادري تبغي الحلى مع القهوة ولا بعد العشاء
انا مااعرف كم عمر البابا لكن مريض السكر مايقدر ياكل الحلى ابو شيرى او عسل
يعني اذا مع القهوة سوي كيكة التمر بالدخن او بيوت ابها
اما اذا مع العشاء احسن شي الكسترد او التطلي
&&&&&&&&&&&&&&&&&&&&&&&&&&
بيوت ابها
المقادير
4بيضات
1ك حليب جاف
ثلاثة ارباع كاس زيت
1وثلث كاس ماء
1كاس سكر
فانيليا
1كاس دقيق مع ملعقة بكنج بودر
الطريقة
حطي المقادير كلها مع بعض
تصير العجينة رخوة شوية اخف من اللقيمات
بعدين ولعي الفرن
وحطي في الصينية طبقة خفيفة من العجينة
ودخليها الفرن على نار متوسطة
لحد ماتشوفي الاطراف ذهبية
حطي الطبقة الثانية ودخليها الفرن
والطبقة الثالثة والرابعة والخامسة كوني كم طبقة مع هادي المقادير يبغالك صينية صغيرة
وبعدين اخر شي ولعي من فوق وخرجيها بعد ماتبرد ادهني الوجه
وجه الصينية مو وجهك انتبهي ههههههههههههههه
ادهني وجه الكيكة مربى خوخ او فراولة حسب المقدار اللي تبغيه
وقطعيها تلاقي شكلها زي بيوت ابها او الباحة هيااشتهرت بهذا الاسم
&&&&&&&&&&&&&&&&&&&&&&&&&&&&&&&&&&
انا ابويا مريض سكر يحب الاشياء اللي زي كدا
اذاتبغي طريقة كيكة الدخن قوليلي
&&&&&&&&&&&&&&&&&&&&&&&&&&&&&
اما التطلي ممكن تحطي الطبقة الاولىسادة والثانية بالشكولاتة
يعني تضيفي الكاكاو البودرة مع التطلي مع سكر خفيف
وزينيه بالنارجين مفيد ويحبوه الكبار
يبرد على قلوبهم بدل الايسكريم المضر لهم
واسفة مازوقت الصفحة لان معايا نوم
وسلامتك وبالعافية على قلب البابا والماما