[مغامر]

[align=center]قصيدة رثاء من نظم احمد السميرى في الوالد (رحمة الله )[/align]

هات القصايد وانزف حروفك طعون
‏
على فقيد ما رضى الذل مله
جاني الخبر كنه على القلب طاعون
‏
قالوا ترى خلك فقد عزوة له
جده رحل واسمع ترى فارق الكون
‏
في نصف شهر الخير موته نزله
قالوا بمكه يا عرب صار مدفون

ساكن بقبره وارتحل عن محله
قلت ارفقوا بالقلب يا ناس بالهون
‏
أشهق ودمع العين غصب تهله
يابو مسفر قلتها بصوت محزون
‏
يرحمك ربي ويغفر الذنب كله
كل ما ذكرته ثارت بقلبي شجون

والحزن من حالي بكى رحمة له
دايم أشوفه بعد ما الناس يمشون

بعد الفجر ومصحفه صاحب له
يشهد له المسجد وأهله ويدرون

إنه عزيز ومنتهى الطيب كله
لو هو علينا ضيف نكرمه ويمون

واليوم ضيف الله وهو مكرم له
ويا عياله اخفوا دمعة العين تكفون
‏
تصبروا وارضوا وذي حكمة الله
لو الحزن بيرجعه والله تهون

كل الدموع وحقها تنسكب له
لكن حشا ما مات وانتم تعرفون

ما مات من خلف ولد صالح يدعو له
ادعوا لأبوكم لا وقفتوا تصلون

عساه في الجنه وهي منزل له
وإن كنت يا مسفر من الفقد محزون
‏
حزني ترى يا خوي محد وصله
يا من به الرجوى ويا من به العون
‏
اغفر لعبدالله ووسع محله