[عاشق القري]

اقتباس: المشاركة الأصلية كتبت بواسطة الراس الصغير      موقف طريف بغى يصيف عقليه ... ايام كنت اتعلم السواقه مع الوالد الله يحفظه ويخليه.. خلوني ابداء القصة ...... امهم كنت ادرس اول متوسط يعني قحمن ...وكان ابي يعلمني قيادة الطياره ..آسف السيارة اسبوعياً... اذا ندرنا نصلي صلاة الجمعه في الباحه ... بعد الصلاة يمرعلى الملعب الكبير الذي كان ومكانه الان حديقه وفيها العاب للاطفال ومتذكرون انتم المكان والا لا... ماعلينا،كان يعطيني السيارة واجلس ادور بها واحوم بها في الملعب وفي نمرة واحده ما اعشق أبد أبد.... في الثاني تضلي السيارة حنمتها تقول حراثه تحرث في ركيبه مسقويه .. ويجلس الوالد يعلمني كيف اتفنن في قيادة المركبه ..بداية من التشغيل وكان اخس شي واصعب شي عندي اذا قال ريوس....اقلك ريوس اقول مقدر ذاحين خلها بعدين ... خلني اعرف قدام اول ... وبعد اعزائي صار هذا كل اسبوع ادور واحوم بالملعب والقائد جالس بجانبي .. حفظه الله ورعاه ...ابيه مقدر اقول فيه شئ...... الا ان جاء يوم من الايام ... وطلعنا من رهوة البر وتعرفون النفق الذي يطير قرية .... قرن ظبي ... ووقف ابي السيارة قبل النفق واعطاني السيارة قال يالله يابطل سق وانتبه من الطريق .. جأني نفيضا وخوف غريب ..لاني اول مرة استلم الطاره على خط زفلت ..العاده دايماً على جلد (خط تراب ) تراب في وجه العدؤ... انا اول مرة اسوق في طريق زفلت و... كان هناك عمال يعملون صيانه للطريق عند النفق وسدوا النفق وفتحوا خط جديد من جنب النفق بالدركتل المهم سقت ووصلت وانحرفت يمين مع الخط الجديد واثر الخط كله حصى تيك الصابات ( يعني اللي يشوف الحصى يجنب عنها أو يوقف لحد ما يشيلونها العمال ....ااتركتل يمسح الخط يا الربع .... و باقي الدركتل يمسح وشي عمال في الخط يشيلون الحصي ويعملون ترتيب .. انا اسوق وطبعا في النمره الثانيه عشان ما تنطفي الطياره ..اقصد السياره.. وامشي وشايل هم الحصى لا ازيد اطلع بالسياره فوقها... ...وفعلا تركبت الحصى وما اسمع الا اصوات ..طربق طربق طربق تحت السياره قلت لا الكارتير انفقع او شي شي ابنفقع بس يا الله يستر.. وابي يقول وقف ، وقف ، وانا ماشي وكاني ما اسمع .. وما همني الا قلت اذا وقفت في سيارات من خلفي ....ابتصدمني خلني اواصل المسيرة الوالد يقول وقف على جنب ... وانا مواصل تركبت الحصى الكباركلها ...اقلكم ماخليت حجر ما ركبت فوقه... وغضب ابي وجلس يصمقني ومافي الا تكفيخ على الوجه و يا..يا... وهاتك من الكفوف يصّمق وانا اسوق والعمال يطالعون فينا ويضحكون على شكلي وانا استقبل الكفوف.. طبعا الوالد وهذي فرصته انا اسوق وهوه يهبد وهبد لين قال .. ويقول وقف يا حمار وقف ... وانا طيب طيب وآمشي شوي واوقف الطياره الله لا يعيدها من رحلة واوقف السياره وأسحب جلنط ..يعني اني فاهم اسلوب الوقوف الصحيح ... ويا الهي ماذا حصل. وينزل من السيارة ويتفقدها من تحت قال والله ما معك قلباً واخذ العقال ويلسعنيه و مطاره حول السياره انا اخترعت قلت ذيه ابيذبحنيه هنيه ... .شاف اني خفت وبكيت وقال اركب لله ما منك فايدة.... وركبنا السيارة وهوه يمارينيه ويقول ( سفان الناس تعلموا وانته ماتعلمت لو كان حماراً امداه تعلم ...ههههه وقلت وانا ابكي .... والله ما ازيد اسوق والله ما ازيد اسوقها..قال احسن ما قلت ... وبعد ما سافر الوالد ..اظطريت اني اتعلم السواقه وتعلمت والحمد لله ( حلوه اظطريت دايماً استخدمها والا ايش رايكم فيها ) وباقي اعلمكم بقصه ثانيه عن السواقه...قريبا هذا الموقف صار لي صدقاً ماهب كذاباً... وذلحيين انا بغدي ارقد ....د

الله الله الله على القصه الروعه المضحكة صراحه انبسطت بقوة

على التعبير الحلو هبلنا قصة ثانيه زيها عشان تكتمل

القصه باكملها حلوة لكن اشدنى اعجاب

(سفان الناس تعلموا وانته ماتعلمت لو كان حماراً امداه تعلم ...ههههه
وقلت وانا ابكي ....
)