[الصغير1]

لو خسرتك ماخسرت العمر والدنيا متاع
وأدري أني لو خسرتك ماخسرت إلا قليل
بس فكر زين تعرف من خسر فينا وضاع
وتعرف إنك لوتلف الأرض وتدور بديل
والله إن تبطي ولو لفيت في كل البقاع
ولوتسوي وش تسوي ماأنت لاقي لي مثيل
وين تلقى مثل شخصي شخص وطباعي طباع
ووين تلقى مثل قلبي قلب أومثلي خليل
البشرواجد نعم لكن فرق الانطباع
يجعلك يمي تميل ويم غيري ماتميل
يارفيقي انتبه واحسن إلي الاستماع
للمواقف دور في كشف المزيف والأصيل
وأنت ماقصرت فيني موقفك جدا شجاع
طعنتك في الظهر فعلا كانت إثبات ودليل
بيض الله وجهك اللي ساتره تحت القناع
ورايتك بيضا معاي وياعسى عمرك طويل
يعني أعطيك الثقه وتردها بـــــ"لوي" الذراع
ياخي ماشا الله عليك أبدعت في رد الجميل
مدري كيف أشكرك مدري كيف أرد الصاع صاع
كنت أحسب أنك عزيز النفس تطلع لي ذليل
كم وأناعييت أصدق فيك قدرالمستطاع
من غبائي كنت أسكت وأعذرك واثرالحصيل:
جرح قلب ميزته في كل يوم الاتساع
ودمع عين ينهمر من ضيقتي في كل ليل
والله إني كنت أحبك حب وأتبعك اتباع
كنت لجل أرضي غرورك بس أسوي المستحيل
كنت أعمى فيك لا لا كنت ميت للنخاع
كنت مدري كيف؟ لكن كنت صادق معك حيل
كنت أمارس في غرامي لك سياسة الانصياع
وكنت لاغي معك فكرة أعتزل أو أستقيل
اندفعت بكل مافيني وسوء الاندفاع
يجبرالإنسان أحيانا يفكر بالرحيل
صدمتي فيك إنت خلتني أفكر باقتناع
إن قتل النفس راحه لوأنا كنت القتيل
انفجر راسي من التفكير وازداد الصداع
كيف أنا بفتك من جرحك ودوشه"قال قيل"
صرت سيره في حلوق الناس وتالي هالضياع
"انتحر؟معقول!ياالله وش هذا الغليل؟
رحمتك يارب لامن ضاقت امنحي وساع
أنت حسبي في الزمان الجايرونعم الوكيل
لاغدى"مستقبلي والماضي"أطراف النزاع
وصفحة الماضي سواد وشي من هذا القبيل
فلازم أنسى لجل أنهي بداخلي هذا الصراع
ولازم أتقوى عشان أحقق النصرالجليل
وطالما إن الهجوم أفضل وسيله للدفاع
مستحيل أرضخ لو أن الحمل ياربعي ثقيل
والبخيل اللي نساني واشتري فيني وباع
يذلف الله لايرده والله بجرحي كفيل
وإن سأل عني وجاكم بعد فتره انقطاع
علموه أني نسيته بس أناماني بخيل
طالما كان السبب في قوتي قبل الوداع
بلغوه أقل شئ بخالص الشكرالجزيل / يا!!؟؟
منقووووول