[乂آمَيــِــرَة آلَــِــوَرَد乂]

والله إن تبطي ولو لفيت في كل البقاع
ولوتسوي وش تسوي ماأنت لاقي لي مثيل
وين تلقى مثل شخصي شخص وطباعي طباع
ووين تلقى مثل قلبي قلب أومثلي خليل
البشرواجد نعم لكن فرق الانطباع
يجعلك يمي تميل ويم غيري ماتميل
يعني أعطيك الثقه وتردها بـــــ"لوي" الذراع
ياخي ماشا الله عليك أبدعت في رد الجميل
مدري كيف أشكرك مدري كيف أرد الصاع صاع
كنت أحسب أنك عزيز النفس تطلع لي ذليل
كم وأناعييت أصدق فيك قدرالمستطاع
من غبائي كنت أسكت وأعذرك واثرالحصيل:
جرح قلب ميزته في كل يوم الاتساع
ودمع عين ينهمر من ضيقتي في كل ليل
والله إني كنت أحبك حب وأتبعك اتباع
كنت لجل أرضي غرورك بس أسوي المستحيل
كنت أعمى فيك لا لا كنت ميت للنخاع
كنت مدري كيف؟ لكن كنت صادق معك حيل
كنت أمارس في غرامي لك سياسة الانصياع
وكنت لاغي معك فكرة أعتزل أو أستقيل
اندفعت بكل مافيني وسوء الاندفاع
يجبرالإنسان أحيانا يفكر بالرحيل
وطالما إن الهجوم أفضل وسيله للدفاع
مستحيل أرضخ لو أن الحمل ياربعي ثقيل
والبخيل اللي نساني واشتري فيني وباع
يذلف الله لايرده والله بجرحي كفيل
وإن سأل عني وجاكم بعد فتره انقطاع
علموه أني نسيته بس أناماني بخيل
طالما كان السبب في قوتي قبل الوداع
بلغوه أقل شئ بخالص الشكرالجزيل


الله يعطيك العافيه يارب عالقصيده الاكثر من رائعه ..

لك كل الشكر وعساك عالقوهـ يالغالي ..

لك ودي وتقديري ..