[العرنين]

كيف الربع اليوم
نخش في المفيد
مرت الايام الين جا بعد اسبوع وصار لازم اروح الحلاق
دخلت المحل اللي كان مزحوم الى ابعد درجه
وبحكم اني متعامل مع واحد فيهم
وهو الوحيد اللي يفهم راسي ويعرف تفاصيل خشتي البهيه طال انتظاري شوي
دخل واحد سوداني وجلس على الكرسي الفاضي وقال للحلاق ..
حلق لي راسي على رقم 1
طبعا الحلاق التركي جهز العده واخذ له لفتين على راس الاخ الكريم
عشان يقدر السعر واذا تخارج معه العمليه والا لا
وبعد ان قرر انه يسوي له عملية حصاد لكومة القش اللي فوق راسه
ساله السوداني فجأه ... بكم تحلق؟؟؟
الحلاق رد بكل بساطه ،، زي كل الناس بــ 10 ريال
قام السوداني وقال لا تحلق بــ 5 ريال
الحلاق قال له هذا سعرنا ومثلك مثل كل الناس
عصب الاخ السوداني وقام باطلاق العبارات التاليه ::
اصلا انت عنصري زي كل الاتراك
ما تروحو اوروبا اللي ما راضيه تعترف فيكو
..
التركي عصب وقال اطلع برى اصلا لازم لك حصادة عشب مو مكينة حلاقه
خرج السوداني غاضبا يحك العرفج اللي على راسه
وانا قمت المس شعري لايكون فلافل
والحمد لله طلع كويس ،، لكن قلت يا روح ما بعدك روح ،،،خلنا نسوي سكسوكه
.
.
سلاااام علاكم