[صقر البشيري]

أهم قوانين الطبيعة



قانون الأصطفاف

إذا صاف في طابور بطئ وقمت غيرتة

طابورك إللي غيرتة فجأه يصير يمشى أسرع من إللى إنت الحين فية





قانون التلفون

عمرك ماتتصل على رقم غلط ويطلع مشغول





قانون التصليح

بعد ما إيدك تتزيت وتتوسخ من الشحم ودهن الماكينة خشمك يبدأ يحك



قانون المعدات

إذا طاح من إيدك أي شئ تأكد أنة بيظل يتدحرج إلى أن يوصل

لألعن مكان ماتقدر تطلعة منه





قانون الأعذار

إذا تأخرت عن الدوام وقلت رئيسك كان عندك بنشر

اليوم إللى بعده تبنشر من جد



قانون المسبح

بعد وضعك جسمك بالماء يبدا التلفون يرررررن

وما يسكت



قانون الالكترونيات

إذا أخذت جهاز عند مصلح تبي تورية أنه مايشتغل

حزتها يشتغل أحلى كلام



قانون القهوة

أول ما تجيب كاس قهوة ساخن يجي رئيسك ويعطيك

شغلة ماتخلص منها إلا لما تبرد قهوتك



قانون المصادفات

إذا كنت مع واحد أو وحده ما تبي حد يشوفك معاهم فجأه

كل إللى تعرفهم يطلعون من كل مكان



قانون الأقساط

إذا عندك سيارة او سلعة بالأقساط

مجرد ماتخلص الأقساط تخرب



قانون الزواج

بعد شهرين من زواجك يسألونك

ها في شئ بالطريق



قانون نهاية الأسبوع

إنت نايم يوم الجمعة أحلى نومة تدز أمك

أخوك الصغير يغثك لمن تقعد عشان تتغدى



قانون المعاش

أخر الشهر لازم كل العزايم الهدايا الطلبات تزيد حبكت



قانون الطقس

لازم نهاية الأسبوع وأنت متحمس تطلع البر أو مع الربع

يصير الجو هواء غبار حر رطوبة بمعنى الفصول ألآربعة بيوم واحد



قانون البحث

حبيت تدور على شئ معين ماتلقاه مع إنك تشوفة

كل يوم قدام وجهك .