[فلاح بن منشار]

السلام عليكم
مع اعتذاري عن الغياب
وددت مصافحتكم بجديدي علها ان تشفع لي
لاعدمتكم

[poem=font="Simplified Arabic,6,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يامشتكي همك على بعض الاصحاب=لاتحسب ان اصحاب وقتك يحنون
اطلب جليل الملك حلال الانشاب=والا البشر لو جيت قالوا يبنون
مافيهم الا كل شامت ومغتاب = وان قدموا حاجه لحاجه يمنون
الجيد الي بينهم كنه اغراب = ينق والي حول قرشه يخنون
ياكل رباء ماخاف من رب الاسباب=يجمع لغيره مثل ماياتمنون
يلهث ورى الدنياء ولو شد الاطناب=لابد مايرحل عن الي يقنون
وش لك منه ناوي على البخل ينعاب=خله يشيل احمال فوقه يكنون
ارفع يدك للي يجيب اهل الالباب = الي ببطن الحوت ناجاه ذا النون
هو يسمع الداعي وما صك له باب=فاخلص بقلبك واترك الي يضنون
هو ناصر احمد يوم جمعوا له احزاب=خل الذي بالشح دايم يغنون
ماظل راعي الفكر عن بعض الاحساب=يوم البشر لاهل الدراهم يدنون
قارون مارد القدر عنه الاسلاب=ولا نجي من غبة البحر فرعون
اقنع بما يكتبه لك رب الارباب = مادامت الدنياء! وناسك يمرون
شوف اهل غزه واهل بغداد والزاب=والا اهل رام الله لمن ياتشكون
ايوب من صبره بكى صبر خباب=كلن بما حمل محاسب ويدرون
مانصنع الابره ولا نزرع اعشاب=ولا فهمنا سر علم ابن خلدون
كلن بعصر العولمه صار منصاب=تاه الرشيد وغير العلم قانون
لوضاع بن لادن وصاحبه خطاب= ماظن تاهت فكرة الي يجنون
لكن لامات الضمير انفتح باب= للشر واعيا في متاهات صهيون
ياليت شعري وين عز العرب غاب=ماعاد اشوف الا ثكالى يهذرون
بين الفضائيات غنوا لزرياب = واهل المساجد ويلهم لو يونون
ماعاد عند البدو للقهوه شباب= واهل الحضاره بين الاهوال يشقون
ياوجد روحي لانتهى عكف الاشناب=واختل ميزان القوى وابتدى الهون
سلب الاراده غيض منقض الانياب=والعهد له ناسٍ بلا شك يوفون
وختامها صلوا على سيد الانجاب=الي بذكره يسعد الي يصلون
محمد الامي من طيب الانساب = نبينا الاكرم من الخلق مصيون[/poem]