[محمد عيضه]

[align=center]الله ااكبر لااله الا انت ذو العرش المجيد
اللي اليك الانتهاء ومن لدنك الابتدا

يامقدّر اقدار البشر هذا شقيّ وذا سعيد
اللي هديته مايظل ومن تظلّه مااهتدا

اعظم شرف في هالحياة انا تحت ظلك عبيد
واياك وحدك نحمدا واياك وحدك نعبدا

يامن خلقت الحنظلة مقابل الطلع النضيد
اضداد مثل ان الخطايا ضدها فعل القدا

القصد بان الابتلا حتمي ولاعنّه محيد
والحمد فعل اهل الرضى والسخط فعل اهل الردى

لاشك ماجا من سما ربي بياسعه الصعيد
لكن ابو نايف عزيز ومن رجاجيل الندى

سلام يالحصن التليع الشامخ الصلد التليد
العامر بذكر الرجال اللي يلبون الندا

مدحه موثق بالفعايل قبل توثيق القصيد
من عهد جدانك وابوك بكل فعل يحمدا

يااحمد بن محمد ابن مسفر تفدّاك البليد
اللي مطاحه مايضر ووقفته ماتفقدا

قدامكم كان الشرف يقول ياهل من مزيد
حتى خلقتم والشرف فيكم تشبّه واقتدا

وان مات ميّتكم فبعد الموت له عمر مديد
والناس ماتذكر شدا لولا كرامة في شدا

اذا تطاروا الناس بالبزّل وبالحر الفريد
مايسقط اسم آبوك لاسهوا ولايتعمدا

انا اشهد انه في دول زهران محسوب وفقيد
حسبة سهيل مع الثريا والجدي والفرقدا

وانا اشهد ان الله كفاه وجاله الولد الرشيد
والله ماايخزي الكريم ويذهب آماله سدى

سمعت عن كبوة حصان وقلت حيد طق حيد
ومشقّتك دليلها شي بقلبي ماهدا

طلاق ماعندي خبر لامن قريب ولابعيد
والا مااجي في تالي الطابور وانته مبتدا

سلامتك ياابن العقيد ابن العقيد ابن العقيد
اقصد عقيد القوم لاعالت طوابير العدا

امدحك وانا والشعر بامداح مثلك نستفيد
مدحك شهادة حق قبل انه لاحاسيسي صدى

يوم انفس المدّاح تتهافت على الشي الزهيد
يابى علي الله ماادوّر ورا مدحي جدا

فقل للمطاليق ان مدحي غيم هارون الرشيد
لابد ياتيهم مع الايام وان طال المدى

كل يقول انا انا وانا هو الرجل الوحيد
ماهيب كلمة ماتعشي من بلعها في الغدا

لو يدري الحظ الردي او يدري الوقت العنيد
مابرّع الخطلان واجحف من يجمّل لابدا

ولو القلوب ايميل والاسرار صندوق البريد
يامرفقات الحزن لاتنسين لي حسن الادا

اضحيت صفحة ويب يترفه بي الجيل الجديد
هكر ظروفي قاهرة من منتدى لامنتدى

صحيح مافل الحديد الا كما قيل الحديد
وصحيح ماكبّلني الا الوقت ملعون الصدا..![/align]