[صالح بن فارس]

بسم الله الرحمن الرحيم

دائما وأبدا ..
لكم ..
الجديد ..

.......
(1)
بس أشوفك !
ما أظن إني بطوفك !
بس أشوفك !
راح آبوس الوعد ..
وآحني كفوفك ..
راح أشيل الفرح ..
وآغني بوصوفك ..
راح أعيشك ..
أو أموتك ..
أوني أبقى لك .. وأفوتك !
بس أشوفك !

(2)

باعتذر للشوق ..
وآقدم حناني ..
وابتديك ابذوق ..
وانهيك ابتهاني !
راح أشيلك في عيوني ..
وأكتبك حرف ابشجوني ..
راح أكسر اضلعك ..
وأجبر طيوفك !
راح أجرّح مبسمك ..
والثم سيوفك ..
بس أشوفك !

(1)

يا كسوفك ..
راح أخلي كل ما فيني يحوفك ..
واقرب أجتث المشاعر من لسانك ..
واطرح الأشواق في غبة حنانك ..
واذبحك فيني .. عليّه ..
واخلقك تحنان .. فيّه !
مثل ورده نرجسيه !
أرضها لهفة كفوفك ..
غصنها اتوسط كتوفك !
بس أشوفك !
والله ما اعدي وأطوفك !


الورد لمن مر من هنا

,,,,,,