[علي الحسني الزهراني]

لاأملك أجمل من الود والورد ) لأحبابي الكرام مع أطيب التحايا ووافر الإحترام


[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]

يا بروج المستحيل الصعب جيتك في سهاله = واكتشفت ان السهوله أصعب من المستحيل
بعد ما استحكم علي الياس فضيت الرساله = واستمديت الأمل من واقع الياس البخيل
ماقريت حروفك الخجلا عبث والا جهاله = بالفراسه دلت عيوني مفاتيح الدليل
يوم قلتي لي تعاله قالت الدنيا تعاله = واثر هالدنيا مقابل عالمك شيٍ قليل
عالمك ما يشرحه تعبير كاتب في مقاله = أو يعبر عنه شاعر جاوزبحور الخليل
وانا اعرف الفرق بين الإستماله والإماله = واي غصنٍ ما دنا لي ما بقول انه يميل
صارت بيدي مفاتيح الغلا والقلب واله = لا تقاللت الكثير ولاتكاثرت القليل
نوتت كفي رموز العزف والعصفور داله = وانا داله في جماله رونقه ماله مثيل
من تلامع ريشه المخمل تجلى لي كماله = والكمال إنه تلالا بوارف الظل الظليل
في غياب الشمس يعتم كل شي بس هو لحاله = يفلق الظلما سناه ولا نرى في الليل ليل
لاتلوميني اذا استرسلت في تعريف حاله = لو تخللها - أنا بعضي - فكلي لك أميل
أنتي أول ملهمه منها تعلمت الإطاله = قبل ما اروى من نميرك ما عرفت السلسبيل
كل ما اروى منك أظما لك إلى حد الثماله = لين روحي في ينابيعك مع روحك تسيل
آه كم فكري يحلق لابعثتي لي رساله = وقلبي الخفاق بيدي مثل عصفورٍ نحيل
سافري بي في جنانك دام هالدنيا سهاله = بين رمانك وتفاحك وتينك والنخيل
واتركي قلبي المعنى يتهنا في وصاله = وامنحيني من حنانك بعض ما يروي الغليل[/poem]