[العرنين]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
ابكتب للشعر قصدي وبمشي عكس كل الناس=ابكسر هالفصيح اليوم ثم افصح الشعبي
وبمشي في رمال الوقت اغوص ولا اكتم الانفاس=مادام انه جنون الشعر في هالساعه يلعب بي
انا ما همني وش قال راعي الخيل والقرطاس=سواءا كان ابن حمدان والا قول متنبي
قصيدي عكسهم بابنيه من الاعلى الين الساس=وعادي لانهدم .. ماهمني دامه وجع قلبي
كذبت وقلت مره هالشعر كله نزيف احساس=واثاري الشعر والاحساس ذا شرق وذا غربي
مجرد هوجسة شاعر الآ يا مكثر الهوجاس=مغفل من يصدقها ولو يزعل ماهو ذنبي
انا جبت الحطب لك قم وشب الضو يا محماس=واذا قصر حطبنا خذ ضلوعي شبهن شبي
ترى ماهو مهم انك بهالدنيا بليا راس=كثير من العرب راسه مجرد طاسه تدربي
دخلت المدرسه بشنطه ولا فيها سوى كراس=وراح اليوم كله بالفصول احط واعبي
خرجت بخيشه اسحبها وقالوا لي بقا اكياس=ومن ذاك النهار الناس حاروا ما لقوا طبي
جنون الشعر يكتبني وابكتب لو لقيت افلاس=بها المبداء انا باكتب وقولوا موقفي سلبي
بخلد شي للذكرى وبجمع ميري وعباس=رساله واضحه مني الى العشاق مع حبي
اذا حبيت والا لا ترى ما هو بذا المقياس=انا مقياسي ان الشعر متى ناديته يلبي
ولو انه جفا عامين ابد ما صابني بالياس=علومه دايما عندي براسي صبهن صبي
قصدت اني انا شاعر نوى يمشي بعكس الناس=كتبه شعره فصيح وبالغلط رده على الشعبي[/poem]