[جوري]

دخلت السوق لابايع ولاشـاري ولالـي سـوم
قـراده حظـي المقـرود دبرلـي ودهـوانـي
انا حظي مخاوز مع ليـالَ جرعتنـي سمـوم
تحرفني علـى جـور الدهـر لينـه توطانـي
صدفت اللي عشقته وخنقتني عبرة الممضيـوم
صور خافقـي لحظـات عشقـاً قـد تملانـي
زبنته بعد ما سلهـم برمـش العيـن للمهيـوم
حسبت السلهمه ترحيـب قلـبً واجـه الثانـي
حسبت انا النوايا صافيه والعشـق فيهـا كـوم
وحسبت انه يبادلنـي الشعـور اللـي تعلانـي
تلفت ثم همـس لـي همسـت الايـم المليـوم
دخيلك وش تبي مني ترى صبـري تعتدانـي
ترى وعد السنين اللي مضى يا صاحبي مهدوم
وانا مثل النجـوم وحـاول أنـك مـا تمنانـي
قبل يقفي زهمته والغضب في خاطري مكتـوم
خذ ارواح القصيد اليا كتبتـك وانـت تقرانـي
انا اللي نخيت الصبر خاوانـي وصرنـا قـوم
علم يا ناكر العشـره تـرى مانيـب حدانـي
وانا اللي لو كتمت الجرح غصباً لـدق خشـوم
و قلباً ما يطاوعنـي بدوسـه تحـت حذيانـي
اعرف المرجلـه والمهزلـه والقـروم قـروم
واعرف ان الشموخ اللي مشالي مـا تباطانـي
واعرف ان الليالي لو صفت لي ماصفت لي دوم
اعرف ان الحذر نصف القدر والعلـم عنوانـي
اعرف أنك طريق الضأيـع التأيـه المهـزوم
اعرف اني رفضـت امـوت بديـار عدوانـي
عرفت أني لزوم أبقى على وضح النقاء ملـزوم
عرفت أنه يجي لـك يـوم تطلبنـي وتبغانـي
انا ما أبي من الدنيـا تناهيـد وحـزن همـوم
ولاني للأسـى والبعـد والتجريـح طربانـي
ابي قلباً علـى قلبـي وعشقـاً للزمـان يـدوم
وابي روحً معا روحي تهيم بفيـض وجدانـي
رح الله لا يوفق من لفابـك حظـي المشـوؤم
رح الله لا يقربهـا عربكـم يــم عربـانـي