[شذى الريحان]

هادي الحكاية بالمكاوي ابغاها بلهجتنا الحلوة
لوووووووو سمحتو مين يتبرع ويترجم
مين مين اختار ولا انتو تختارو
&&&



يقلك جا ضيف لجحا ، فاشترى عمنا دجاجتين وقال لحرمتو :

اطبخيها لينا .. فقامت وطبختها ، ومن طفاستها أكلت الدجاجتين كلها !!!!

فلمن جا وقت الغدا ، قلها جحا : اغرفي ..

قام قالتلو : كيف ناكل يا حبيبي بدون عيش .. قوم جبلنا عيش أول .

المسكين جحا راح يشتري عيش .. أما العقربة مرتو فراحت للضيف المسكين .

وقالتلو : إنت تعرف ليش جوزي جحا عزمك اليوم عندنا ؟

قلها : لا ! قالتلو : جوزي مجنون .. خالص .. والدكاترة وصفولو دوا ما يتعافا من دونه

تعرف إيش هوا ؟! إنو ياكل أذاني واحد من الناس ويتعافا على طول !!! وتراه جابك

هنا عشان يقطع أذانيك وياكلها بالهنا والعافية !! وترى الجنان حق جوزي يروح ويجي

وعلامتو لا جا : يضرب بيدو على صدرو ويحركها يمين ويسار .

الضيف انفجع .. وقام يلملم نفسو .. وإذا هو بجحا راجع البيت معاه العيش ..

فلما قابلتو مرتو المفترية قالتلو : ترى ضيفك سرق الدجاجتين وحطهم في كيس معاه ..

فقال جحا : وه يا ضيفي .. وضرب على صدرو وحرّك يدو متعجب .. تمام زي ما قالت

مرتو للضيف لما يجيلو الجنان !

الضيف ما صدّق .. ضرب الباب .. وهاتيك جري وهروله ..

وتقوم مرة جحا العفريته تقلو : الحق يا حبيبي ، ضيفك خرج خجلان منك .. الحقو ..

فجري وراه جحا وهو يصيّح عليه .. يا أخي طب خذ وحدة واعطيني وحدة .. يقصد

وحدة من الدجاجتين ..

لكن الضيف فاهمها : وحدة إذن .. وخلي التانيه لك .. عشان ياكلها !

فيرد الضيف عليه ، ويزيد من سرعته فكيك .. إن لحقتني خذ الاتنين !!!