[صالح بن فارس]

بسم الله الرحمن الرحيم

إليها مع التحية ؛؛؛


[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=1 align=center use=ex num="0,#400000"]
ياللي رحلتي دون توضيح لاسباب = عليك هانت عشرتي في دقيقة !
ماني مصدق كيف يجفون الاحباب = ياللي حلفتي بان حبك حقيقة
رحتي وخنتي خلك ابصد وغياب = ليتك أخذتي روح بيده غريقه
ليتك رحلتي دون تشويق واسهاب = في وصف حبك وانك اقرب صديقه
اثرك تسلي والهوا عندك ألعاب = بينك وبين الكذب صحبه وثيقه
ياما خدعتيني وانا آقول (جذاب) = اسلوبك اللي سمني زيف ريقه
ياما طلبتي قلت من بين الاهداب = وآثرت لك جملة عطايا عتيقه
هذي جزاتي بالغدر بت منصاب = رغم التأكد ما هنا أسباب ضيقه
هذا جزا المعروف لا راح لاغراب = سبعة كفوف .. لدم عرقك تريقه
لكن خذيها منْ رضا دونما اعتاب = والله ماخضع لك ولو هي دقيقه[/poem]