[بنت شيوخ]

اقتباس: المشاركة الأصلية كتبت بواسطة العــ أبوصالح ــقيد      اللهم بارك لهم وبارك عليهم وأجمع بينهما في خير ... ملاحظهـ .. 1- يمنع دخول جوال الكامير للنساء .. 2- العشاء بعد صلاة العشاء مباشرة .. 3- يمنع إصطحاب الأطفال .. .

اولا اشكرك ابو صالح على طرح موضوع مهم ومتداول خصوصا في مجتمع قبيلتنا

انت طرحت نقاط اساسيه ومهمه قد يتفق البعض وقد يختلف وكلا على حسب وجهة نظره للموضوع

اما بالنسبه لأول نقطه وهي اصطحاب جوالات الكاميراء ....فعن نفسي انا من اشد المعارضين لهذا الموضوع وخصوصا في المناسبات الكبيره والخاصه ...هناك بشر ايمانهم ضعيف والله مثل هذي الحالات الواحد يقول الله يستر يعني اذا لازم تحذر من عدوك مره احذر من صديقك الف مره ....يعني عادي لو كان معك جوالين واحد بدون كاميره للمناسبات استخدميه وانتي مرتاحه .....مثلي يعني فديتني مؤدبه...

اما حكاية العشاء بعد المغرب .... كثروا منها صارت كثير في الديره ومادخلت مزاجي لان اول مايتعشون الرجال زهموا الحريم حرام ....يعني اذان العشاء وانا في البيت مو صعبه شوي 0
لكن اذا كان بعد العشاء مو مشكله وبعدين كثير من زميلاتي يحسدونا على زواجاتنا لانها تخلص بدري
انا في بداية الموضوع ماكنت مقتنعه لكن لما شفتهم مبسوطين وعاجبتهم ...قلت يابنت شوفي نفسك عليهم واقهريهم ...اخخخخخخخ

اما أخر نقطه ذكرها اخونا العقيد .......اسمحولي اقولكم معارضه وبشده وش ذالقلب الي بيطاوعني اروح زواج واترك اولادي في البيت مستحيييييييل ومن سابع المستحيلات ....عساني مااحضر ولا زواج وش يعني.....
انا ادري وش بيصير اذا تركتهم في البيت ....وحتى اذا كانوا مع اخواتي او امي او الشغاله وربي ماراح اتهناراح يكون بالي مشغول فيهم ....وكذا لاارتحت بعرس ولا اخذت عيالي معي

اعذرووووووووووووني على الاطاله ادري اني زوتها ....ماصار نقاش انقلبت خطبه

يعطيك الف عافيه ابو صالح على الموضوع الرائع

تقبل احترامي لك ولكل من ناقش الموضوع

اختك بنت شيووووخ