[سليمان الشدوي]

[align=center][poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=1 align=center use=ex num="0,#400000"]
يالحظة الشاعر اللي مالها من مثيل= تطاولي كل اوقاتي ولاتقصري
مدي شراع الكلام اِلى اخر المستحيل= وانا علي اشتعل في طيفك الشاعري
فتحت لك جرح ينزف من قبل لايسيل = وانتي تمرين فوق الجرح تتمخطري
في اول الليل اقلطك البعيد الطويل = وفي تالي الليل يطرب راسي الدوسري
احتاج منك الشموس وكل ظلً ظليل= واحتاج منك (العنب واللوز السكري)
واحتاج منّك كما يحتاج عابر سبيل = من (شيخ قوم) مع كل الملا ينطري
ودي تلامس يدي وجه (اليماني سهيل) = او ينبني لي وطن في جبهة المشتري
انتي كثيره.. ولالي منك غير القليل = تعبت وانا ادور بخطك الدايري
من كثر ماغليك مادورت غيرك بديل = ولاقلت كم( دلعوك الناس يالاخضرِ)
اخدمك والناس قالو كيف تخدم بخيل!!= وانا اعتذرهم بابن لعبون والبحتري
لولاك ماسمي (اقبال الغروب) الأصيل = ولاسلّمت (سنة المرسم) علي دفتري
واللي يبي يسجنك بين (اضلع المستطيل) = خليه ..والله مايستاهلك عنصري
العشق قاتل وقيس (المتهم والقتيل )= والعامريه ضحية جدها العامري
لانه فرض حجةً مالها عليها دليل = وصّور الكون (زاد ومويه وجودري )
ويــالحظة الشاعر احساسي برد الجمبل = بزيد لك كلما زاد (الحضور الجري)
باسجنك وياي مايدخل علينا دخيل = لو كان عبقر يوجه لي مية عبقري
واستودعك وسط صدري يالكلام الجزيل = ولايغنيّك في لحنه (ولّد بربري)[/poem]
________


ـــــــــــــــــــــــــــــــــــــ[/align]