[عاشق محال]

بدون مقدمات ... هذي اول مشاركة لي بالمنتدى واتمنى ان افيد واستفيد ..

واهديكم هالقصيدة والتي انشرها لأول مرة فيعالم النت ....

[poem=font="Simplified Arabic,5,darkblue,bold,normal" bkcolor="transparent" bkimage="" border="double,4,red" type=1 line=0 align=center use=ex num="0,black"]


قالت وش أنت؟وقلت من روس زهران=شيخ ولد شيـخ وأســاوي قبايــل
زهــران ربعــي فيـهـــم تضيـــع قيفــان=أهل الكــرم والجـــود وأهــــل الجمايــــل
الضيــف يلقــى عندنا طـــيب وإحسان=وإلا الـــعـــدو بالعــــــون ماهـــــــوب نايـــــل
نسقيــه مــن كــاس المنــايا بـميـــــــزان=وروسنـــــــا وقــت اللقـا ما تمايــــــــــــــل
قالـت ديــارك؟قلـت أنا عـــز الأوطان=ديار اخـــــو نــــوره سقتـــها الهمايـــــــــــل
مـن شـرقها ليــا غربــها لحــد نجـــــران=واليــا اتجهــت لديــــرة العـــــــز حايـــــــل
نحــمـــي وطنــا دام حنــا بـه أخوان=سلايــــل بالخيــــر تتبـــــــع سلايــــــــل
حب الوطن يكبـر علـــى مــر الأزمان =حب غـدا لقلـــــــــوبنا اليـــــــوم شايــــــل
قــالــت بــدو؟وقــلــت يابـنــت بــــــدوان=أقـــــــولها يابنت والـــراس طايـــــــــــــل
أيــه ابـــدوي وأقولها بكـــل الأوزان=إيه ابدوي وارفــــــع بها الصـــــــوت قايـــــــــل
حـنـــا بــدو نطرد ورا ريـــح الامـــــزان=لا مـانهانـا حــر ذيك القــــوايــــــــــــــل
حـــنــا بــــدو يشــهـــد لـنـا كــل ميــــدان=بالطيـــب طيب وبالفعايــل فعايــــــــل
قالت وبأمر الحب وش قلت يا فـــــــلان؟=قلــت الهـــوى يابنت ســــــوى الهوايــــــــــل
الحـــب جمــر وبـرد واثنيــن خــــــلان=الحـــــب فرحه ودمــــع عيــــن يتسايــــــــل
الحـــب قلب وقلب بالحيـــل عطشــــان=قـلبيــن عاشــوا ميــر ماهــــم قلايــــــــــل
الحـــب لاهــــل الحـب يابنــت عنـوان=الحــب ماهـــو مســح كـف وجدايـــــــل
وهزت هدبها وانكشف بحر الأحزان=والدمـــــــع أشوفــــه خلف ذيــــك الظلايــــــل
وقالت مضـى لــي عـام والحال مــازان=والهـم فــي جــوفــي حمــوله ثقايــــــــل
مــن صاحــب قفـا لـه القلــــب ولهــــان=لا جـا اتصــــال ولا لفتنـــــي رسايـــــــل
ماهــان قــدره داخـل القلب ماهـــــــــان=وان طـــول غيابه فلاهوب زايــــــــل
ذي حــالتي والحــب قــد قيـل سلطــــان=وفــي حالتــي ياشيخ ويش أنت قايــل؟
جـــاوبتــهـا والقلــب بالحيـــل شفقــــان=قلت احمــــدِ الله ذيك اقـل الحصايــــل
ولـولا الكـــرامه لاكشف هموم وأحزان=لكن نفســــي ماتطيــــق الرذايـــــــل
وإلا اجل وشلــون مــن روس زهــــران=قبيــــلة بالعـــون تســــوى قبااااايــــل[/poem]
عبدالمجيد الزهراني (عـاشق محال )